މޯލްޑިވިއަން ޑިމޮކްރަޓިކް ޕާޓީ (އެމްޑީޕީ)ގެ ޗެއާޕާސަންގެ މަގާމަށް ވާދަކުރެއްވުމަށް ރައްޔިތުންގެ މަޖިލީހުގެ މާފަންނު މެދު ދާއިރާ މެމްބަރު އިމްތިޔާޒު ފަހްމީ (އިންތި) ފޯމު ހުށަހަޅުއްވައިފިއެވެ.
ޗެއާޕާސަންގެ މަގާމަށް ވާދަކުރެއްވުމުގެ ފޯމާއި ތާއީދު ފޯމް ހުށަހެޅުއްވިކަން އިންތި ހާމަކުރެއްވީ ރޭ ކުރެއްވި ޓްވީޓެއްގައެވެ.
އެމް.ޑީ.ޕީ.ގެ ޗެއާޕާރސަންގެ އިންތިޚާބަށް ކުރިމަތިލުމުގެ ފޯމު @MDPSecretariat އަށް އަޅުގަނޑު ހުށަހަޅައިފިން. pic.twitter.com/lSv4GHoLl7
— 𝐈𝐦𝐭𝐡𝐢𝐲𝐚𝐳 𝐅𝐚𝐡𝐦𝐲 (@Imthiyazfahmy) February 15, 2022
އިންތިގެ އިތުރުން އިކޮނޮމިކް މިނިސްޓަރު ފައްޔާޒް އިސްމާއިލްވެސް އެ މަގާމަށް ވާދަކުރައްވާނެކަން ހާމަކުރައްވާފައިވެއެވެ.
އެމްޑީޕީގެ ޗެއަރޕާސަން މަގާމާއި އަންހެނުންގެ ރޫހު، ޒުވާނުންގެ ހިއްވަރުގެ ރައީސް އަދި ނައިބް ރައީސް ކަމުގެ މަޤާމުގެ އިންތިހާބް ބޭއްވުމަށް ހަމަޖެހިފައިވަނީ އޭޕްރިލް 16 ވަނަ ދުވަހުއެވެ. އެ މަގާމުތަކަށް ކުރިމަތިލުމަށް ބޭނުންވާ ފަރާތްތަކަށް ކުރިމަތިލުމުގެ ފުރުސަތު ފެބްރުއަރީ 19 ވަނަ ދުވަހުގެ 16:00 އާހަމައަށް ހުޅުވާލާފައިވާ ކަމަށް އެމްޑީޕީން ބުނެފައިވެއެވެ.