ދާދި ފަހުން ވަތަނިއްޔާ އިން އުރީދޫ މޯލްޑިވްސް އިން ބްރޭންޑް ކުރި ކުންފުނިން "ލިވް އަންލިމިޓެޑު" އެޑްއޯންސް އިތުރު ފައިދާތަކާ އެކު ތައާރަފުކޮށްފި އެވެ.
"ލިވް އަންލިމިޓެޑް" އެޑްއޯންސްގެ ހިދުމަތް މެދުވެރިކޮށް ލިބޭ ފައިދާތަކުގެ ތެރޭގައި އަން ލިމިޓެޑް ކޯލްސް ކުރެވުމާއި، އަން ލިމިޓެޑް އެސްއެމްއެސް ކުރެވުން ހިމެނެ އެވެ.
މީގެ އިތުރުން 500 އެމްބީއާ ހަމައަށް ހިލޭ ޑޭޓާ އެލަވަންސް ލިބެ އެވެ. އަދި މީގެ އިތުރުން 10ރ. ހޭދަކޮށްގެން ލޯކަލް ކޯލް ކުރެވޭނެ ކަމަށް އުރީދޫން ބުންޏެވެ.
އެ ކުންފުނިން ބުނީ ލިވް އަންލިމިޓެޑް އެޑްއޯންސްގެ ތެރޭގައި ޑެއިލީ އާއި މަންތްލީ އެޑްއޯންސް ޕެކޭޖުތަކެއް ވެސް ހިމެނޭ ކަމަށެވެ.
މި ހިދުމަތް ބޭނުން ކުރުމަށް އުރީދޫން ތައާރަފުކޮށްފައިވާ އެޑްއޯންސް ޕެކޭޖުތަކުގެ ތެރޭގައި ޑެއިލީ އަންލިމިޓެޑު ޓެން ޕެކޭޖުން މުޅި ދުވަހު އަންލިމިޓެޑު ކޯލް ކުރެވެ އެވެ.
އަދި ޑެއިލީ އަންލިމިޓެޑު ޓުވެންޓީގެ ޕެކޭޖުން މުޅި ދުވަހު އަންލިމިޓެޑު ކޯލާއި އެސްއެމްއެސް އަދި 100 އެމްބީ ޑޭޓާ ހިލޭ ލިބެ އެވެ. އަދި މަންތްލީ އަންލިމިޓެޑު 229 ޕެކޭޖުން މުޅި މަހު އަންލިމިޓެޑު ކޯލް ކުރެ އެވެ.
މީގެ އިތުރުން މަންތްލީ އަންލިމިޓެޑު 399 ޕެކޭޖުން މުޅި މަހު އަންލިމިޓެޑު ކޯލާއި އެސްއެމްއެސް ކުރެވެ އެވެ. މި ޕެކޭޖުގައި 500 އެމްބީ ޑޭޓާ އެލަވަންސް ލިބެ އެވެ. މީގެ އިތުރުން ލޯކަލް ކޯލްތަކަށް 100 މިނެޓު ވެސް ހިލޭ ލިބެ އެވެ.
އުރީދޫން ބުނީ އަންލިމިޓެޑު އެޑްއޯންސް މެދުވެރިކޮށް ރާއްޖޭގެ އެހެން ނެޓްވޯކްތަކަށް 55ލ. ގެ ރޭޓުން ގުޅާލެވޭނެ ކަމަށެވެ.
ލިވް އަންލިމިޓެޑު ހިދުމަތް ހޯދުމަށް #929* އަށް ގުޅައިގެންނާއި، ރީޓެއިލް ފިހާރަތައް މެދުވެރިކޮށް އަދި ރީޗާޖު ކާޑު މެދުވެރިކޮށް ވެސް ހޯދޭނެ އެވެ.
އަދި ގިނަ އަދަދެއްގެ ކަސްޓަމަރުން ބޭނު ންކުރަމުން ގެންދާ ލިވް އަންލިމިޓެޑު ރާސްޓަސް މެދުވެރިކޮށް ވެސް މި ހިދުމަތް ލިބޭނެ ކަމަށް އުރީދޫން ބުންޏެވެ.