ސ. ހިތަދޫ ހިރާ ޕްރީ ސްކޫލުގެ ދަރިވަރުން ހިތަދޫ ޕޮލިސް ސްޓޭޝަނަށް ޒިޔާރަތްކޮށްފި އެވެ.
އެ ކުދިން އިއްޔެ ކުރި މި ޒިޔާރަތުގައި ދަރިވަރުންނަށް ހިތަދޫ ޕޮލިސް ސްޓޭޝަނުގެ މަސައްކަތްތައް ކުރިއަށްދާ ގޮތާއި ފުލުހުންގެ މަސައްކަތުގައި ބޭނުން ކުރަމުންދާ ބައެއް ސާމާނުތައް ދައްކާލައި މަޢުލޫމާތު ދީފައިވެ އެވެ.
މީގެ އިތުރުން ފުލުހުން ބޭނުން ކުރާ ސާމާނުތަކާ އެކު ދަރިވަރުން ފޮޓޯ ނެގުމުގެ ފުުރުސަތު ވެސް ދީފައިވެ އެވެ.
ހިރާ ޕްރީސްކޫލުގެ ދަރިވަރުން މި ކުރި ޒިޔާރަތުގައި އެ ސްކޫލުގެ 12 ދަރިވަރަކާއި ދެ ޓީޗަރުން ބައިވެރިވެފައިވެ އެވެ.
ހިރާ ޕްރީ ސްކޫލްގެ ދަރިވަރުންތަކެއް ވަނީ މީގެ ކުރިން އެމްއެންޑީއެފް ސަދަން އޭރިއާ އަށް ވެސް ޒިޔާރަތްކޮށްފަ އެވެ.