އައްޑޫ ދެ މީހަކާ އެކު ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑް (ޕީއޭސީބީ) ރައީސުލްޖުމްހޫރިއްޔާ އަލުން އެކުލަވައިލައްވައިފި އެވެ.
ބޯޑަށް އައްޔަން ކުރެއްވި އައްޑޫ ދެ ބޭފުޅުންނަކީ އެކައުންޓިން އެންޑް ފައިނޭންސްގެ ދާއިރާއިން ހިތަދޫ ނޫވިލާގޭ ޙުސައިން ޢަލީ ޙަބީބު އާއި ގާނޫނީ ދާއިރާ އިން ހިތަދޫ ތަބުލާގޭ އަލްއުސްތާޛާ ޢާއިޝަތު ޝިފާލާ އެވެ.
ޕީއޭސީބީގެ ރައީސަކަށް ހަމަޖެއްސެވީ، މާފަންނު ފައިޒާ މުޙަންމަދު ނިޒާރެވެ. ނައިބު ރައީސަކަށް ހަމަޖައްސަވާފައި ވަނީ، ދަފްތަރު ނަންބަރު 3845 މުޙަންމަދު ޔާސިރެވެ.
ބޯޑުގައި ހިމެނިވަޑައިގަންނަވާ އެހެން މެންބަރުންނަކީ ބޭންކިންގގެ ދާއިރާއިން ށ. ކޮމަންޑޫ ހިޔަލީގޭ ޢަލީ ވާސިފް، ބިޒްނަސް އެޑްމިނިސްޓްރޭޝަންގެ ދާއިރާއިން މާފަންނު ރެސްޓް ޕޮއިންޓް އަޝްރަފް ޢަލީ އަދި އިކޮނޮމިކްސްގެ ދާއިރާއިން ބ. އޭދަފުށީ ދިޔަވަރު އަޙްމަދު ޢިމާދެވެ.
ރައްޔިތުންގެ މަޖިލީހުގެ ރުހުން ހޯއްދެވުމަށް، މި ބޭފުޅުންގެ ނަންފުޅުތައް، ރައީސުލްޖުމްހޫރިއްޔާ އެ މަޖިލީހަށް ވަރަށް އަވަހަށް ފޮނުއްވާނެ ކަމަށް ރައީސް އޮފީހުން ބުންޏެވެ.