ރާއްޖޭގެ އެންމެ ބޮޑު އިންޝޫރަންސް ކުންފުނި އެލައިޑްގެ އިންޝޫރަންސް ޕްރޮޑަކްޓްތައް އައްޑޫގައި ވިއްކާނެ އެޖެންޓުން ހޯދަން އެ ކުންފުނިން އިއުލާންކޮށްފި އެވެ.
ސަރުކާރާއި ރައްޔިތުން ހިއްސާވާ މައި ވިޔަފާރި ކުންފުނި އެސްޓީއޯގެ 100 ޕަސެންޓް ހިއްސާ އޮންނަ އެލައިޑުން ނެރުނު އިއުލާނެއްގައި ބުނަނީ އެ ކުންފުނީގެ ހުރިހާ އިންޝޫރަންސް ޕްރޮޑަކްޓްސް އައްޑޫގައި ވިއްކައި ދޭނެ އެޖެންޓުން ބޭނުންވާ ކަމަށެވެ.
އަދި މިކަމަށް ޝައުގުވެރިވާ ފަރާތްތަކަށް ކުރިމަތިލުމުގެ ފުރުސަތު މި މަހުގެ 13 ވަނަ ދުވަހާ ހަމައަށް މިހާރު ހުޅުވާލައިފައިވާ ކަމަށް ވެސް އެލައިޑުން ބުންޏެވެ.
މިކަމަށް އެދޭ ފޯމް އެލައިޑްގެ ހެޑް އޮފީހުންނާއި އެ ކުންފުނީގެ ވެބްސައިޓުން ވެސް މިހާރު ޑައުންލޯޑް ކުރެވޭނެ އެވެ.
ެއެލައިޑްގެ އޮފީހެއް މިހާރު މަރަދޫފޭދޫގައި ހިންގަމުން އަންނަ އިރު. ހިތަދޫގައި ވެސް ވަރަށް އަވަހަށް އޮފީހެއް ހުޅުވާ ގޮތަށް ވަނީ ނިންމައިފަ އެވެ.