މީހާގެ ރީތިކަން އެންމެ ބޮަޑަށް ދައްކުވައި ދެނީ ކޮންމެ މީހެއްގެ ވެސް މޫނުންނެވެ. އެހެންވެ އަބަދު ވެސް މޫނު ރީތރިކޮށް ބެހެއްޓުމަށް ގިނަ ބަޔަކު ވަރަށް ބޮަޑު ސަމާލު ކަމެއް ދެ އެވެ.
މޫނުގެ ހަންގަނޑު ރީތިކޮށް ބެހެއްޓުމަށް ވަރަށް ގިނަ އަންހެން ކުދިން ހާއްސަ ސަމާލުކަންދެ އެވެ. މިގޮތުން މޫނު ދޮންނަން ބޭނުން ކުރާ ތަފާތު ފޭޝަލް ސްކަބަކީ ގިނަ އަންހެން ކުދިން ވަރަން ގަޔާވާ އެއްޗެކެވެ. އަދި މޫނު ރީތި ކުރުމަށް ތަފާތު ފެއިސް މާސްކު ވެސް ގިނަ އަންހެން ކުދިން ބޭނުން ކުރެ އެވެ.
މި އެއްޗެހި ބޭނުން ކުރި ނަމަވެސް މޫނު ރީތިކޮށް، ސާފުކޮށް ބެހެއްޓުމަށް އެންމެ ސަމާލުކަން ދޭންވީ އެއް ކަމަކީ ގިނައިން މޫނު ދޮވުމެވެ. އެއީ ގެ އާއި ބޭރުގައި އުޅޭ ކުދިކުދި ޖަރާސީމްގެ ސަބަބުން މޫނު އަވަހަށް ހަޑިވާތީ އެވެ.
އަދި ބޭރުގައި އުޅޭ ނަމަ މާ އަވަހަށް މޫނު ހަޑިވެ އެވެ. އެއީ ވައިގެ ތެރޭގައި ތަފާތު އެތައް ވައްތަރެއްގެ ޖަރާސީމެއް އުޅޭތީ އެވެ. މޫނު ތެޔޮވާ މީހުން އަވަސް އަވަހަށް މޫނު ދޮންނަށް ޖެހެ އެވެ. އެއީ މޫނު ތެޔޮވާ ނަމަ މޫނުގައި ބިހި ނެގުން އަވަސް ވާނެތީ އެވެ.
ބައެއް މީހުންގެ އާދަ ހުންނަ ގޮތުން މޫނުގައި ވަރަށް ގިނައިން އަތް އަޅާނެ އެވެ. މިގޮތަށް މޫނުގައި ގިނައިން އަތް ލެވޭ ނަމަ މޫނަށް ވަރަށް ގިނަ ޖަރާސީމް އަރަ އެވެ. އެއީ އެންމެ ގިނައިން ބެކްޓީރިއާ ހުންނަނީ ވެސް އަތުގައި ކަމަށް ވާތީ އެވެ.
ބޮލުން ހަން ފޮޅޭ މީހުން އަވަސް އަވަހަށް މޫނު ދޮވުމުގެ އިތުރުން ބޮލުގެ އިސްތަށިގަނޑު އަވަސް އަވަހަށް ސާފު ކުރުމަށް ސަމާލުކަން ދޭށެވެ. އެއީ ބޮލުން ހަންފޮޅޭ މީހުންނަށް މޫނުގައި ބިހި ނަގާ ގޮތް ވާނެ އެވެ. މޫނުގައި ބިހި ނެގުމުން ސަލާމަތް ވުމަށް އާއްމުކޮށް މޫނު ދޮންނާށެވެ.
ހެނދުނު ހޭލައިގެން ރީތިކޮށް މޫނު ދޮންނަ ގޮތަށް ރޭގަނޑު ނިދާ އިރު ވެސް ރަނގަޅަށް މޫނު ދޮންނާށެވެ. އަދި އޭގެ އިތުރުން ވީހާވެސް އަވަސް އަވަހަކަށް މޫނު ދޮންނަށް އާދަ ކުރާށެވެ.
ރޭގަނޑު ނިދާއިރު މޫނު ދޮވުމަށް މޫނުގައި އުނގުޅުމަށް ހާއްސަ ކްރީމް ވެސް އުނގުޅާށެވެ. އެއިރުން މޫނުގައި ޖަރާސީމްތައް އަށަގަތުން ކުޑަވާނެ އެވެ.
މޫނު ދޮވުމަށް ބޭނުންކުރާ ކްރިމް އަކީ ހަންގަނޑާ ގުޅޭ އެއްޗަކަށް ހެދުމަށް ވެސް ހާއްސަ ސަމާލު ކަމެއް ދޭން ޖެހެ އެވެ. އެއީ ތަފާތު ކްރިމްތަކުގެ ސަބަބުން ހަމުގައި ހުންނަ އޮމާންކަން ގެއްލޭ ގޮތް ވާނެތީ އެވެ.
މޫނު ދޮވުމުގެ އިތުރުން ގިނައިން ފެން ބުއިމަށް ވެސް ހާއްސަ ސަމާލު ކަމެއް ދޭށެވެ. ފެން މަދުވުމުން ހަންގަނޑު ތެޔޮވެ އެވެ. މިގޮތަށް ދިމާވުމުން މޫނުގައި ގިނައިން ބިހި ނާގާ ގޮތް ވާނެ އެވެ. އަދި ފެން ނުބޯ ނަމަ ބައެއް މީހުންގެ ހަންގަނޑު މާ ބޮޑަށް ހިކިގެން ގޮސް ހަންފޮޅޭ ގޮތް ވެސް ދިމާވެ އެވެ.