ފެނު އަޑީގައި އެއް ނޭވާގައި އެންމެ ދުރަށް ހިނގައިގެން ކްރޮއޭޝިއާގެ ފިރިހެނަކު ހަދާފައި އޮތް އެ ރެކޯޑެއް އެ ގައުމުގެ އެހެން މީހަކު މުގުރާލައިފި އެވެ.
ކުރިން އެ ރެކޯޑް ހެދި ފްރީޑައިވަރު ބޮރިސް މިލޯޒިކް 2020 ގެ މާޗްގައި ރެކޯޑް ހެދީ ޕޫލެއްގެ ފެނު އަޑީގައި އެއް ނޭވާގައި 96 މީޓަރު (314 ފޫޓް 11.5 އިންޗި) އަށް ހިނގައިގެންނެވެ.
އެ ރެކޯޑް ކްރޮއޭޝިއާގެ ފްރީޑައިވަރެއް ކަމަށްވާ ވިޓޯމިރް މެރިޝިސް މުގުރީ އެއް ނޭވާގައި 107 މީޓަރު (351 ފޫޓް 0.5 އިންޗި) އަށް ހިނގައިގެންނެވެ. ކުރީގެ ރެކޯޑް މުގުރައިލުން އޮތީ މިދިޔަ އަހަރުގެ ސެޕްޓެމްބަރު މަހުގެ 17 ގަ އެވެ. އަދި ވިޓޯމިރް އަށް ރެކޯޑް ލިބުނުކަން ގިނިސް ވޯލްޑް ރެކޯޑުން މިހާރޔ ވަނީ ކަށަވަރު ވެސް ކޮށް ދީފަ އެވެ.
ވިޓޯމިރް ރެކޯޑް ހެދީ ހިތާއި ފުއްޕާމޭގެ އިތުރުން ހުޅުތަކުގެ ބަލިތަކާ ބެހޭ ހާއްސަ ހޮސްޕިޓަލެއް ކަމަށްވާ ތެލަސޯތެރަޕިއާ އޮޕަޓީޖާ ކިޔާ ހޮސްޕިޓަލެއްގެ ޕޫލް ތެރޭގަ އެވެ. އެތަނުގައި ރެކޯޑް ހަދަން ނިންމީ އެތަނުން ކުރިއަށްދާ ރިސާޗަކަށް އެހީވުމުގެ ގޮތުންނާއި ފްރީޑަިއވިން އަކީ ރައްކާތެރި ކަމެއްކަން ވެސް ހާމަކޮށް ދިނުމުގެ ގޮތުންނެވެ.
An incredible 107 m (351 ft 0.5 in) underwater walk with just one breath
Congratulations to Croatia's Vitomir Maričić https://t.co/pi8KLqHFsF
— Guinness World Records (@GWR) March 6, 2022
ވިޓޯމިރް ބުނީ ރެކޯޑް ކަށަވަރުވުމުން ވަރަށް އުފާވި ކަމަށާއި އެކަން ކުރި އިރު ރެކޯޑް ލިބޭނެކަމާ މެދު ޝައްކެއް ނެތެވެ. ސަބަބަކީ އޭނާ އަކީ ފްރީޑައިވަރަކަށްވެފައި ނޭވާ ހިފަހެއްޓުމަކީ އާ ކަމަކަށް ވެސް ނުވުމެވެ. އެކަމަކު ރެކޯޑަކަށް ނޭވާ ހިފަހައްޓާލައިގެން ފެނު އަޑީގައި ހިނގީ ވަރަށް ފަރުވާ ބަހައްޓައިގެން ކަމަށް ބުންޏެވެ. އޭނާ ފެނުއަޑީގައި އެއް ނޭވާގައި ހިނގި އިރު، ފުރަތަމަ 50 މީޓަރު ހަމަކުރީ ނޭވާ 3 މިނިޓާއި 6 ސިކުންތަށް ހިފަހައްޓާލައިގެންނެވެ.
މި ރެކޯޑް ހެދުމަށްޓަކައި ފުރިހަމަވާން ޖެހޭ އެއް ޝަރުތަކީ ހިނގާ އިރު އަބަދު ވެސް ދެ ފައިންކުރި ކޮންމެވެސް އެއް ފަހައެއް ޕޫލުގެ އެންމެ އަޑީގައި ޖެހިފައި ހުރުމެވެ. އެހެންވެ ރެކޯޑް ހެދި އިރު، މައްޗަށް އެރިޔަނުދިނުމަށްޓަކައި އަތުގައި ބަރުތަކެއް ވެސް ގެންގުޅެން ޖެހެ އެވެ.
ވިޓޯމީރް، 37، ދުނިޔޭގެ ރެކޯޑް ފޮތުން ޖާގައެއް ހޯދި އިރު އޭނާ ފްރީޑައިވިން މުބާރާތެއްގައި ފުރަތަމަ ވާދަކުރީ މީގެ ހަތަރު އަހަރު ކުރިންނެވެ. އޭގެ ފަހުން ވިޓޯމިރް އަންނަނީ އެއިން ގިނަ ކާމިޔާބީތަކެއް ހޯދަމުންނެވެ. އެގޮތުން 2019 ގައި ކްރޯޝިއަން ސީއެމްއޭއެސް ނެޝަނަލް ޕޫލް ފްރީޑައިވުންފެ ޗެމްޕިއަންޝިޕް ހޯދި އިރު މިދިޔަ އަހަރު ސައިޕްރަސްގައި ބޭއްވި އައިޑާ ފްރީޑައިވިން ވޯލްޑް ޗެމްޕިއަންގައި ރަން މެޑެއްޔާއި ދެ ރަންވަންލޯ މެޑެލްއެއް ހޯދާފައިވެ އެވެ.