އެމްޑީޕީގެ ޗެއާޕާސަންގެ އިންތިހާބުގައި ވާދަކުރައްވާ އިމްތިޔާޒް ފަހުމީގެ ތިލަދުންމަތީ ކެމްޕޭން ދަތުރުން ފެނިގެން ދިޔައީ އިންތި އާއި ރައީސް މުހައްމަދު ނަޝީދަށް އޮތް ތާއީދު ކަމަށް އެ ޕާޓީގެ ކުރީފެ ޗެއާޕާސަން ހަސަން ލަތީފު ވިދާޅުވެއްޖެ އެވެ.
ކެމްޕޭން ދަތުރުގެ ވީޑިއޯއަކާ އެކު އޭނާ ވަނީ ތިލަދުންމަތީ އެމްޑީޕީ މެމްބަރުންނަށް ވަރަށް ބޮޑަށް ޝުކުރު ވެސް އަދާކުރައްވައިފަ އެވެ.
"އެ ބޭފުޅުން ވިދާޅުވީ އިންތިގެ ގޮތް އެނގޭކަމަށް, ވަމުންދާގޮތް އެނގޭ ކަމަށް. ވެދާނެ ގޮތް އަންދާޒާ ކުރެވޭ ކަމަށް. އެނގިގެން ފެނިގެން ދިޔައީ ރައީސް ނަޝީދާއި އިންތި އަށް އޮތް ލޯތްބާއި ކުރާ އިތުބާރު." ހަސަން ވިދާޅުވި އެވެ.
ތިލަދުންމަތީ MDP މެންބަރުންނަށް ފަށްފަށުން ޝުކުރިއްޔާ! އެބޭފުޅުން ވިދާޅުވީ އިންތިގެ ގޮތް އެނގޭކަމަށް, ވަމުންދާގޮތް އެނގޭ ކަމަށް. ވެދާނެ ގޮތް އަންދާޒާ ކުރެވޭކަމަށް. އެނގިގެން ފެނިގެން ދިޔައީ ރައީސް ނަޝީދާއި އިންތި އަށް އޮތް ލޯތްބާއި ކުރާ އިތުބާރު. #InthiAaEku#ThilafathugeRamzu pic.twitter.com/xe9W2cSRsx
— Hassan Latheef🎈 (@HassanLatheef) March 14, 2022
ތިލަދޫންމަތީ ކެމްޕޭން ދަތުރު ނިންމާލައި އިންތިގެ ކެމްޕޭނަށް ދެން އެންމެ އަވަހަށް ވަޑައިގަންނަވަން ހަމަޖެހިފައިވަ ހުވަދު އަތޮޅަށެވެ.
ޗެއާޕާސަންގެ އިންތިހާބުގައި ވާދަކުރައްވާ އިކޮނޮމިނިކް މިނިސްޓަރު ފައްޔާޒް އިސްމާއީލް މިހާރު ގެންދަނީ ދ. އަތޮޅުގައި ކެމްޕޭން ކުރައްވަމުންނެވެ.
އިންތިހާބު ބާއްވަން މިހާރު ހަމަޖެހިފައި ވަނީ އަންނަ މެއި މަހުގެ 14 ގަ އެވެ. މި އިންތިހާބުގެ ފޯރި އާއި ވާދަވެރިކަން ބޮޑުވެ، ދެ ކެންޑިޓޭޓުންގެ މެދުގައި "ކޯޅުންތަކެއް" ވެސް އުފެދިފައިވެ އެވެ. އެގޮތުން އިންތިގެ ފަޅިން ގެންދަނީ ފައްޔާޒުގެ ފަޅި އަށް ވަރަށް ބޮޑަށް ފާޑުކިޔައި، އެކި ކަހަލަ ތުހުމަތުތައް ވެސް އަޅުވަމުންނެވެ.