* ބޭނުންވާ ތަކެތި:
200 ގްރާމް ކެރޮޓް (ފެނުކައްކާފައި ކިއުބްގޮތަށް ކުދިކޮށް ކޮށާފައި)
200 ގްރާމް ރޯ މާޅެސް ކެޔޮ (ފެނުކައްކާފައި، ކިއުބްގޮތަށް ކުދިކޮށް ކޮށާފައި)
200 ގްރާމް ބޭބީ ކޯން (ފެނު ކައްކާފައި)
1 ބޮޑު ފިޔާ (ކުދިކޮށް ކޮށާފައި)
2 ލޮނުމެދު (ޗިސްކޮށްފައި)
1 ގިތެޔޮ މިރުސް (ކުދިކޮށް ކޮށާފައި)
100 ގްރާމް ޗެޑަ ޗީޒް (ކިއުބް ގޮތަށް ކުދިކޮށް ކޮށާފައި)
ހިކަނދިފަތް، އަސޭމިރުސް
ފުށް، ބަޓަރު، ފެން، އޮލިވް އޮއިލް، ލޮނު، ބިސް
* ތައްޔާރު ކުރާނެ ގޮތް:
އެންމެ ފުރަތަމަ ކުދިކޮށް ކޮށާފައި ފެނު ކައްކާފައި ހުރި ކެރޮޓާއި، ކޭލާއި ބޭބީ ކޯން، ފިޔަ އާއި ލޮނުމެދާއި މިރުހާއި ހިކަނދިފަތް ލައިގެން ތަވައަކަށް ތެޔޮ އަޅައިގެން ހިކިކޮށް ހަނާ ކުރާށެވެ. އަދި ލޮނު ހެޔޮވަރުކޮށްފައި އުނދުން ބާލާފައި، ހޫނުކަން ކެނޑެން ދެން ބަހައްޓާށެވެ.
އޭގެ ފަހުން ބިހާއި ބަޓަރު އަޅައިގެން މަޑުކޮށް ފުށްގަނޑެއް މޮޑޭށެވެ. އަދި ބޭނުން ސައިޒަކަށް ފުށް ގުޅަ ހަދާފައި، ބޭނުން ސައިޒަކަށް، ބޭނުން ބައްޓަމަކަށް ފުށް ގުޅަ ދަމައިލާށެވެ. އަދި އޭގެ ތެރެއަށް ހަނާ ކުރި ތަރުކާރީކޮޅު އަޅާފައި، އޭގެ މައްޗަށް ޗީޒްކޮޅު އަތުރާފައި ޕެޓީޒްތައް ބަންދުކޮށްލާށެވެ.
އޭގެ ފަހުން މައިކްރޯ އަވަނުން ފިހެލިޔަސް އަދި ޑީޕް ޕްރައިކޮށްލިޔަސް ރަނގަޅު ވާނެ އެވެ. އެ ބަޔަކަށް މީރު ގޮތެއް އަދި ސިއްހަަތަށް އެންމެ ފައިދާ ހުރި ގޮތެއް ރަނގަޅު ވާނެ އެވެ.
ދެން ސާވް ކުރުމުގެ ކުރިން ތަރުކާރީ ކޮޅަކުން ގާނިޝްކޮށްލާށެވެ. އަދި ކާ އިރު ސޯސް ބޭނުން ކުރެވިދާނެ އެވެ.
މިއީ ހޫނު ސަޔާ އެކު ހަވީރުގެ ސަޔަށް ވަރަށް މީރު ހެދިކާއަކަށް ވާނެ އެވެ.
ނޯޓް: މިއީ އަޅުގަނޑު އަމިއްލަ އަށް ތައާރަފް ކުރާ ޑިޝްއެކެވެ. ކިއުންތެރިންނަށް ކަމުދާނެ ކަމަށް ހީކުރަމެވެ.