ސ. ފޭދޫގައި ހުންނަ ޕޯސްޓް އޮފީހުން މުވާސަލަތީ ހިދުމަތް ރާއްޖޭގައި ދޭ ދެ ކުންފުނީގެ ބިލްތައް ބަަލައި ގަންނަން ފަށައިފި އެވެ.
ކުރިން ގަމުގައި ހިންގަމުން ދިޔަ ޕޯސްޓް އޮފީސް ފޭދު އަށް ބަދަލު ކުރި ފަހުން، ބިލްތައް ބަލައި ގަތުމުގެ ހިދުމަތް ވަނީ މެދުކެނޑިފަ އެވެ.
އެހެން ނަމަވެސް ކުރިއެކޭ އެއްގޮތަށް ދިރާގާއި އުރީދޫގެ ފޯން ބިލްތަކާއި އިންޓަނެޓް ބިލްތަކަށް ފޭދޫ ޕޯސްޓް އޮފީހުން މިހާރު ފައިސާ ބަލައި ގަނެ އެވެ.
އެ ތަނުން ބުނީ ހިދުމަތް ނުފެށި ލަސްވެެގެން ދިޔައީ ގަމުން ފޭދު އަށް ޕޯސްޓް އޮފީސް ބަދަލުވުމަށް ފަހު، އެތަނުގެ ސިސްޓަމަށް ދިރާގާއި ވަތަނިއްޔާގެ ސޮފްޓްވެއާ ނޭޅި ލަސްވެގެން ކަމަށެވެ.
އެހެން ނަމަވެސް މި މަހުގެ 1 އިން ފެށިގެން ބިލްތަކަށް ފައިސާ ބަލައި ގަނެ އެވެ. އެއީ ހަމަ އެކަނި ނަގުދު ފައިސާއިންނެވެ.
ފޭދޫގައި ހުރި ދިރާގުގެ އެޖެންޓް އޮފީސް ދާދި ބަންދު ކުރުމާ ގުޅިގެން، ދިރާގުގެ ބިލްތައް ދައްކަން ފޭދޫ އާންމުންނަށް އުނދަގޫވެފައިވެ އެވެ.
އަދި ދާން ޖެހެނީ މަރަދޫފޭދޫގައި ހުންނަ ދިރާގުގެ އޮފީސް ނުވަތަ މަރަދޫގައި ހުންނަ ދިރާގު އެޖެންޓް އޮފީހަށެވެ.
އެހެން ނަމަވެސް ފޭދޫ ޕޯސްޓް އޮފީހުން ބިލަށް ބަލައި ގަންނާނީ އާންމުންނަށް ވަރަށް ބޮޑު ފަސޭހައަކަށް ވާނެ އެވެ.