އައްޑޫގެ ހަތަރު ސްކޫލެއްގައި އަރަބި މާއްދާ ކިޔަވައި ދޭން އެޑިއުކޭޝަން މިނިސްޓްރީން ނިންމައިފި އެވެ.
ރާއްޖޭގެ ސްކޫލްތަކުގައި އަރަބި މާއްދާ ކިޔައި ދޭން މިނިސްޓްރީން ނެގި އިސް ނެގުމުގެ މަތިން ފުރަތަމަ މި މާއްދާ ކިޔައި ދޭން ނިންމާފައި ވަނީ ޖުމްލަ 12 ސްކޫލެއްގަ އެވެ.
އޭގެ ތެރޭގައި އައްޑޫގެ ހަތަރު ސްކޫލެއް ހިމެނެ އެވެެ. އެއީ ފޭދޫ ސްކޫލާއި، މަރަދޫ ސްކޫލާއި، ހުޅުދޫ ސްކޫލާއި މީދޫ ޝަމްސުއްދީން ސްކޫލެވެ.
މިނިސްޓްރީން ބުނީ މި ސްކޫލްތަކުގައި ފެށޭ ހަފުތާގައި އަރަބި މާއްދާ ކިޔަވައި ދޭން ފަށާނެ ކަަމަށެވެ.
އަރަބި މާއްދާ ކިޔަވައި ދޭން ނިންމި 12 ސްކޫލްގެ ތެރޭގައި ދެން ހިމެެނެނީ މާލޭގެ ސްކޫލްތަކާއި ޅ. އަތޮޅާއި ގދ. އަތޮޅުގެ ސްކޫލްތަކެކެވެ.
މިނިސްޓްރީން ބުނީ ފުރަތަމަ އަރަބި މާއްދާ ކިޔަވައި ދޭން ފަށާ ސްކޫލްތަކަކީ އަރަބި ކިޔަވައި ދޭ ޓީޗަރުން ފަސޭހަ އިން މި ވަގުތު ލިބެން ހުރި ސަރަހައްދުތައް ކަމަށެވެ.
އެހެން ނަމަވެސް ކުރިއަށް އޮތް ތަނުގައި ރާއްޖޭގެ ހުރިހާ ސްކޫލެއްގައި އަރަބި ކިޔަވައި ދޭން ވަނީ ނިންމައިފަ އެވެ.