އޮމާން ޗާލު މޫނެއް ބޭނުން ހެއްޔެވެ؟ ހަމަ ގައިމު ވެސް މިއީ ކޮންމެ އަންހެން ކުއްޖަކު ވެސް ބޭނުން ވާނެ ކަމެކެވެ.
* ހަންގަނޑު އޮމާންކޮށް، ދޮންކޮށް ދިނުމަށް ކުރެވިދާނެ ކަމެއް:
ދެ ސައި ސަމުސާ ލުނބޯ ޖޫހާއި، އެއް ސައިސަމުސާ ގްލިސަރިން އަދި ތިން ސައިސަމުސާ ފިނިފެން އެއްކުރާށެވެ. މި ލޯޝަން މުޅި ގައިގައި އުގުޅުމަށް ފަހު 20- 15 މިނިޓް ވަންދެން ބަހައްޓާށެވެ. އެއަށް ފަހު ތާފަނާ ފެނުން ދޮވެލާށެވެ.
އެއް ސައިސަމުސާ ލުނބޯ ޖޫހާއި، ދެ ބައިކުޅަ އެއް ބައި ޖޯޑު ޔޯގަޓް އަދި ދެ ބައިކުޅަ އެއްބައި ސައިސަމުސާ އޮރެންޖް ޖޫސް އެއްކޮށްގެން ޕޭސްޓެއް ހަދާށެވެ.
މި ޕޭސްޓް މޫނާއި ކަރުދޮށުގައި އުނގުޅުމަށް ފަހު 20- 15 ވަންދެން ބަހައްޓާށެވެ. އަދި އެއަށް ފަހު ތާފަނާ ފެނުން ދޮވެލާށެވެ.
އެއް ކުކުޅު ބިސް ފޮނު އަރަންދެން ގިރާށެވެ. ގިރާފައިވާ ބިހުގެ ތެރެއަށް އެއް ސައިސަމުސާ މާމުއި، އެއް ސައިސަމުސާ ގްލިސަރިން އަދި އެއް ސައިސަމުސާ މިނެރަލް އޮއިލް އެއްކުރާށެވެ.
މޫނާއި ހަށިގަނޑުގެ ހަން ހިކިކޮށް ހުންނަ ހިސާބުތަކުގައި އުނގުޅުމަށް ފަހު 15 މިނިޓް ފަހުން ދޮވެލާށެވެ. މިއީ ހަންގަނޑު ހިކިކޮށް ހުންނަ މީހުން ބޭނުން ކުރުމަށް ވަރަށް ރަނގަޅު މާސްކެކެވެ.