ބޮލީވުޑްގައި ފެޝަނިސްޓާގެ ނަމުން މަޝްހޫރުވެފައިވާ ބަތަލާ ސޯނަމް ކަޕޫރު ފުރަތަމަ ފަހަރަށް ބިކިނީއެއްގައި ސްކްރީނުން ފެންނަން ތައްޔާރުވެއްްޖެ އެވެ.
މިހާރު އާންމުކޮށްފައިވާ ފިލްމުގެ ފުރަތަމަ ޓްރެއިލާގައި ސޯނަމް ޕޫލެއްގައި، ފިޔާތޮށި ބިކިނީއެއްގައި އޮއްވާ ފެނެ އެވެ. މިއީ ގައިމު ވެސް ސޯނަމްގެ ފޭނުންނަށް ލިބޭ ހިތްހަމަޖެހުމަކަށް ވާނެ އެވެ.
އެ ފިލްމަކީ "ބޭވަކޫފިޔާން" އެވެ. ސޯނަމް އާ އެކު ބަތަލެއްގެ ގޮތުގައި މި ފިލްމުން ފެނިގެން ދާނީ ޒުވާން އެކްޓަރު އަޔޫޝްމަން ކުރާނާ އެވެ.
މި ފިލްމަކީ ޔާޝްރާޖް ފިލްމްސް (ވައިއާރްއެފް) އިން ޕްރޮޑިއުސްކޮށް ނުޕޫރު އާސްތާނާ ޑައިރެކްޓްކޮށްފައިވާ ފިލްމެކެވެ.
"ބޭވަކޫފިޔާން" ގެ މުހިއްމު ރޯލަކުން ރިޝީ ކަޕޫރު ވެސް ފެނިގެން ދާނެ އެވެ. މި ފިލްމުން ރިޝީ ފެންނާނީ ސޯނަމް ކަޕޫރުގެ ބައްޕަގެ ގޮތުގަ އެވެ.
ސޯނަމާއި އަަޔޫޝަމަން ވައިއާރްއެފަށް ކުޅުނު ފުރަތަމަ ފިލްމް "ބޭވަކޫފިޔާން" ސިނަމާތަކަށް އަންނާނީ މާޗް 14 ގަ އެވެ.
މި ފިލްމަކީ ވައިއާރްްއެފްގެ "ބޭންޑް ބާޖާ ބާރާތު" ގެ ސްކްރީން ރައިޓަރު، އަދި "އިޝަގްޒާދޭ" ލިޔެ، ޑައިރެކްޓް ކުރި ހަބީބް ފައިސަލްގެ ސްކްރީންޕްލޭއަކަށް ހަދާފައިވާ ފިލްމެކެވެ.
"ބޭވަކޫފިޔާން" ޝޫޓްކޮށްފައި ވަނީ ދިއްލީގަ އެވެ.