ސ. ހަންކެޑެ ގޮނޑުދޮށުން އިންސާނެއްގެ ކަށިގަނޑެއް މިއަދު ފެނިއްޖެ އެވެ.
މެންދުރު ފަހު 3:00 ޖަހާއެހާކަށްހާ އިރު އެ ކަށިގަނޑު ފެނުނީ ހަންކެޑެއިގެ ހުޅަނގު ފަރާތު އަތިރިމަތީގައި ވަޅުލެވިފައި އޮއްވަ އެވެ.
ކަށިގަނޑު ފެނުނީ އެ ސަރަހައްދަށް މަސް ބާނަން ދިޔަ މަރަދޫ ކުދިންތަކެއް ކަކުނި ހޯދަން ވެލިގަނޑު ކޮންނަނިކޮށެވެ.
ވެލިގަނޑުގެ ފޫޓެއްހާ އަނޑީގައި އޮތް ކަށިގަނޑަކީ ވަރަށް ޒަމާންވެފައި އޮތް ކަށިގަނޑެއް ކަމަށް ބެލެވެ އެވެ. ސަބަބަކީ އެ ކަށިގަނޑުގައި އެއްވެސ މަހެއް ނެތެވެ. ކަށިގަނޑު އޮތީ ވެސް ވަރަށް ބޮޑަށް ފީވެފަ އެވެ.
ކަށިގަނޑު އޮތް ސަރަހައްދުގައި ފުލުހުން ޓޭޕް ދަމައި ބަންދުކޮށްލައިގެން، އެ ސަރަހައްދުގައި ހަރަކާތްތެރިވަމުން އަންނަ އިރު، ގިނަ އަދަދެއްގެ ބަަޔަކު ވެސް އެ ސަރަހައްދަށް ޖަމާވެފައިވެ އެވެ.
އަތިރިމަތީގައި ވަޅުލެވިފައި އޮތް ކަށިގަނޑުގެ އެއްވެސް ހަގީގަތެއް ނޭނގެ އެވެ.