މާފަންނު ގެއެއްގެ ތަޅުންދަށުގައި ވަޅުލާފައި ހުރި 42 ކިލޯގެ ހެރޮއިން ފުލުހުން ހޯދައިފިއެ ވެ.
ޕޮލިސް ކަމިޝަނަރު މުހައްމަދު ހަމީދު މިއަދު ކުރެއްވި ޓްވީޓެއްގައި ވިދާޅުވީ އިއްޔެ އިން ފެށިގެން ފުލުހުންގެ ޑްރަގް އެންފޯސްމަންޓް އެންޑް ކައުންޓަ ނާކޮޓިސް އިންޓެލިޖެންސް ހިންގި ހާއްސަ އޮޕަރޭޝަނެއްގައި މާފަންނު ގެއެއްގެތެރޭ ވަޅުލަފައިވާ 42 ކިލޯގެ ހެރޮއިން ހޯދާފައިވާ ކަމަށެވެ.
މި އޮޕަރޭޝަނާ ގުޅިގެން މީހަކު ފުލުހުންގެ ބެލުމުގެ ދަށައް އެކަކު ގެނެވިފައިވާ ކަމަށާއި ތަހުގީގު އިތުރަށް ކުރިއަށްދާ ކަމަށް ވެސް ސީޕީ ވިދާޅުވި އެވެ.
Since yesterday, Drug Enforcement & Counter Narcotics Intelligence of @PoliceMv have been conducting a search operation in Male’. Found & seized approximately 42 kgs of heroin hidden under a false flooring in a house in Maafannu. Arrested one person and investigation continues. pic.twitter.com/dMcEQmwbIS
— Mohamed Hameed (@M_Hameedh) March 25, 2022
މައުލޫމާތު ލިބިފައިވާ ގޮތުގައި ފުލުހުން ކޯޓު އަމުރެއްގެ ދަށުން ވަދެ މަސްތުވާތަކެތި ހޯދާފައި ވަނީ އައިޖީއެމްއެޗް ކައިރީގައި ހުންނަ ފުލުހުންގެ ކުޑަކުދިންގެ މައްސަލަތައް ބަލާ ޔުނިޓްގެ އޮފީސް ކުރިމަތީގައި ހުރި ގެއަކުންނެވެ. އެ ގެއަކީ ފަޅުގެއެއް ކަމަށް މައުލޫމާތު ލިބެ އެވެ.
މި ފަހަކަށް އައިސް ފުލުހުން އަންނަނީ ގިނަ އަދަދެއްގެ މަސްތުވާތަކެތި މާލެ ތެރެއން އަތުލައިގަންނަމުންނެވެ. އެގޮތުން މިދިޔަ އާދީއްތަ ދުވަހުގެ ރޭ ވެސް މާލެ ތެރެއިން ޕިކަޕެއް ހުއްޓުވައި އޭގެ ތެރެއިން 17 ކިލޯގެ މަސްތުވާތަކެތި އަތުލައިގެންފައިވެ އެވެ. އަދި އެއްޗިއްސާ އެކު އެކު ހަތަރު މީހަކު ހައްޔަރުކުރި އެވެ.