އެެމެރިކާގެ ފިރިހެނަކަށް 101 އަހަރުގައި ހައި ސްކޫލުން ޑިޕްލޮމާ ލިބިއްޖެ އެވެ.
މި މީހަކީ އެމެރިކާގެ ވެސްޓް ވާޖީނިއާގެ ހާޕާސް ފެެރީގެ ސްޓޯރާ ކޮލެޖްގައި 1934-1938 އަށް ކިޔެވި މެރިލް ޕިޓްމަން ކޫޕާ އެވެ. ކިޔެވުން އެއްކޮށް ފުރިހަމަ ނުވަނީސް އެތަނުން އޭނާ ވަކިވާން ޖެހުނީ އާއިލާ އަށް ކުރިމަތިވި މާލީ ދަތިތަކާ ފިލަޑެލްފިއާ އަށް ދިރުއުޅުން ބަދަލުކުރަން ޖެހުމުންނެވެ.
އެކަމަކު ކިޔެވުމަށް އޮތް ލޯތްބަށް ބަދަލަށް ނާންނާތީ އެންމެ ކުޑަމިނުން ޑިޕްލޮމާއެއް ހާސިލުކުރުމުގެ ޝައުގުވެރިކަން އޮތުމުން ކޫޕާ އަލުން އާއިލާގެ މީހުންގެ ގާތުގައި އެދިގެން ކިޔަވަން ދާން ފެށީ 80 އަހަރު ފަހުންނެވެ. މި ފަހަރު ކިޔަވައިގެން ހައި ސްކޫލް ޑިޕްލޮމާ އޭނާ މި މަހުގެ 19 ގައި ހާސިލުކުރީ ވެސްޓް ވާޖިނިއާގެ ޖެފާސަން ކައުންޓީ ސްކޫލުންނެވެ. އެތަނުގެ ފޭސްބުކް ޕޭޖްގައި ވެސް ފޮޓޯތަކާ އެކީ ކޫޕާގެ ވާހަކަ ހިއްސާކޮށްފައިވ އެވެ.
އެތަނުން ބުނީ ކިޔަވަން ބޭނުން ކޮންމެ މީހަކަށް އަބަދު ވެސް ދޮރު ހުޅުވިފައި ހުންނާނެ ކަމަށާއި އެކަމަށް ވަކި އުމުރެއް ބެލުމެއް ނޯންނާނެ ކަމަށެވެ. ޖެފާސަން ކައުންޓީ ސްކޫލްފައި ކޫޕާ ކިޔެވީ ހިސާބާއި އިނގިރޭސި އާއި ބައޮލޮޖީ ހިސްޓްރީގެ އިތުރުން ލެޓިން ބަހެވެ.
ހައި ސްކޫލް ޑިޕްލޮމާ ކޫޕާ ހާސިލުކުރި އިރު އޭނާ ވަނީ ވަރަށް ގިނަ ދުވަސްތަކެއް ވަންދެން ދަތުރުފަތުގެ ދާއިރާގައި މަސައްކަތްކޮށްފަ އެވެ. އަދި މަސައްކަތުން ރިޓަޔާކުރީ 2018 ގަ އެވެ.
ކޫޕާ ބުނީ ކިޔެވުން ހުއްޓައިލަން ޖެހުނުތާ ގަރުނަކަށް ވުރެ ވެސް ގިނަ ދުވަސް ފަހުން ކިޔެވުމުގެ ފުރުސަތު ލިބި ޑިޕްލޮމާ ހާސިލުކުރެވުމަކީ މިހާތަނަށް ލިބުނު އެންމެ ބޮޑު އެއް އުފާ ކަމަށެވެ.