އެމްޑީޕީގެ ޗެއާޕާސަންގެ މަގާމަށް ވާދަކުރައްވާ އިކޮނޮމިކް މިނިސްޓަރު ފައްްޔާޒު އިސްމާއިލް (ފައްޔަ) އާއި އަންހެނުންގެ ރޫހުގެ ރައީސަކަށް ވާދަކުރައްވާ އައްޑޫ މީދޫ ދާއިރާގެ މެމްބަރު ރޮޒެއިނާ އާދަމް (ރޮޒޭ) ގެ ކެމްޕެއިން އޮފީހެއް ހިތަދޫގައި ހުޅުވައިފި އެވެ.
ހިތަދޫ ބޮޑުމަގުގައި ހުންނަ "އީ-ހަބް "ފިހާރަ ކުރިމަތީގައި ހަދާފައިވާ މި އޮފީސް ހުޅުއްވާ ދެއްވީ ފައްޔާޒެވެ. ފައްޔާޒާ އެކު މި އޮފީސް ހުޅުވުމުގައި ރައްޔިތުންގެ މަޖިލީހުގެ އައްޑޫގެ ބައެއް މެމްބަރުންނާއި ގިނަ އަދަދެއްގެ ސަޕޯޓަރުން ބައިވެރިވި އެވެ.
"ވަޑައިގަންނަވާ ހިންގާލަން" އޮފީހަކީ ފައްޔާޒުގެ ފަރާތުން އައްޑޫގައި ހުޅުވި ފުރަތަމަ އޮފީހެވެ.
އެމްޑީޕީގެ ޗެއާޕާސަންގެ މަގާމާއި އަންހެނުންގެ ރޫހުގެ ރައީސް ކަމުގެ މަގާމުގެ ކެމްޕެއިން ފޯރީގައި ކުރިއަށްދާއިރު އައްޑޫގެ ގިނަ ބަޔަކު ތާއިދު ކުރަނީ ފައްޔާޒު އާއި ރޮޒޭއަށެވެ. އެކަން ފައްޔާޒާ ރޮޒޭ ކެމްޕެއިނަށް އައްޑު އަށް ކުރެއްވު ދަތުރުފުޅުން ފެނިގެން ގޮސްފައިވެ އެވެ.
ފައްޔާޒާއި ރޮޒޭގެ ކެމްޕެއިން ޓީމު ފެންނަނީ ވަރަށް އޮގަނައިޒިން ސަޅި ކެމްޕެއިނެއް ކުރައްވާ ތަނެވެ.