"ސްނިކާސް ސްޓްރީޓް ސޮކާ 2014" މިރޭ ފަށާނެ އެވެ.
މުބާރާތް ހުޅުވަން މިރޭ 9:00 ގައި ފަށާ މެޗްގައި ބައްދަލު ކުރާނީ ފްރެންޑްސް ކުލަވާއި ހަބޭސް ޓީމެވެ. މިރޭ ކުޅޭ ދެވަނަ މެޗްގައި ބައްދަލު ކުރާނީ އެސްއެމްޓީ އާއި އަބާނީ އެފްސީ އެވެ. އެ މެޗް ކުޅޭނީ 9:45 ގަ އެވެ.
މި މުބާރާތް ކުރިއަށް ދާނީ ގަމުގަ އެވެ.
ޖުމްލަ 20 ޓީމް ބައިވެރިވެފައިވާ މުބާރާތް ކުރިއަށް ގެންދަން ނިންމާފައި ވަނީ ހަތަރު ގްރޫޕަކަށް ބަހާލައިގެންނެވެ.
ގްރޫޕް އެކެއްގައި ހިމެނެނީ ފްރެންޑްސް ކުލަބާއި ހަބޭސް ނިއު ޖެނެރޭޝަނާއި އެސްއެމްޓީ އާއި އަބާނި އެފްސީ އަދި މެޖެންޓާ އެވެ.
ގްރޫޕް ދޭއްގައި ހިނެނީ ޔަންގް މެޖެންޓާ، އައްޑޫ ސިޓީ ޕޮލިސް، ވިރެެންޑް އެފްސީ، ޔަންގް ވަންސް އަދި އެފްސީ ޒެފިއާ އެވެ. ގްރޫޕް ތިނެއްގައި ހިމެނެނީ އެފްވައިސީ، އެމްއެންޑީއެފް، ވިވޭޝަސް އަދި އެފްސީ ގަބީލާ އެވެ. ފަހު ގްރޫޕްގައި ހިމެނެނީ ކަޅަ ބެންޗާ، މަރަދޫފޭދޫ، ޕަޓާސް، ހަބޭސް އަދި ޝަންގްރިއްލާ އެވެ.
މުބާރާތް ކުރިއަށް ދާނީ މި މަހުގެ 18 އާ ހަމައަށެވެ.
މިދިޔަ އަހަރެކޭ ވެސް އެއްގޮތަށް "ސްނިކާސް ސްޓްރީޓް ސޮކާ 2014" ގެ މީޑިއާ ޕާޓްނަރަކީ "އައްޑޫ ލައިވް" އެވެ.