އަވި އައިނަކީ ވެސް މިހާރަކަށް އައިސް ވަރަށް ގިނަ އަންހެނުން ބޭނުންކުރާ އެއްޗެކެވެ.
ނަމަވެސް އަޅާ އައިނު ތިމާ އާ ގުޅޭ ގޮތަށް އަޅާފައި ހުންނަނީ ވަރަށް މަދު އަންހެނެކެވެ. އަވިއައިނެއް އިހުތިޔާރު ކުރުމުގެ ގޮތުން ތިރީގައި އެވާ ކަންތައްތަކަށް ސަމާލުކަން ދޭށެވެ.
* މޫނުގެ ބައްޓަން ވަށްކޮށް ހުންނަ މީހުންނަށް ރީތި ވާނީ އައިނުގެ ލޯ ތަން ކޮޅެއް ތިލަކޮށް ފްރޭމް ތަންކޮޅެއް ފުޅާކޮށް ޑައިމަންޑް ޝޭޕަށް ހުންނަ އައިނެވެ. މިފަދަ މީހުންނަށް ވަށްކޮށް އަދި އޯވަލް ޝޭޕަށް ހުންނަ ލޯ ރީއްޗެއް ނުވާނެ އެވެ.
* ޓްރޭންގިއުލާ ބައްޓަމަށް މޫނު ހުރެފައި ނިތްކުރި ބޮޑު އަދި ދަތްދޮޅި ހިމަ މީހުންނަށް ރީތި ވާނީ އޯވަލް ނުވަތަ ވަށް ލޯ ހުންނަ އައިނެވެ.
މިފަދަ މީހުންނަށް ޑައިމަންޑް ލެންސެއް ކަމަކު ނުދާނެ އެވެ. ހަތަރެސްކަން ބައްޓަމަށް މޫނު ހުންނަ މީހުންނަށް ރީތިވާނީ އޯވަލް ނުވަތަ ވަށް ލޯ ހުންނަ އައިނެވެ. މި ބައްޓަމަށް މޫނު ހުންނަ މީހުންނަށް ހަތަރެސްކަން ބައްޓަމަށް ހުންނަ އައިނު ރީއްޗެއް ނުވާނެ އެވެ.
* މޫނު ދިގުކޮށް ހުންނަ މީހުންނަށް ރީތިވާނީ ބޮޑު، ފުޅާ ފްރޭމް ހުންނަ އައިނެވެ. މި ބައްޓަމަށް މޫނު ހުންނަ މީހުންނަށް ކޮންމެ ބައްޓަމަކަށް ލޯ ހުންނަ އައިނެއް ވެސް ރީތިވާނެ އެވެ.
ބައެއް މީހުން އަވި އައިނު އަޅާއިރު އެ އައިނުގައި ހުންނަ ލޮލަކީ އަލްޓްރާ ވައިލެޓުގެ ދޯދިން ލޯ ސަލާމަތްވާ ބިއްލޫރިއެއްތޯ ބަލައެއް ނުލަ އެވެ.
ނަމަވެސް އަވި އައިނު ގަންނަ އިރު އެއީ ވަރަށް ބޮޑަށް ސަމާލުކަން ދޭން ޖެހޭނެ ކަމެކެވެ.