* ބޭނުންވާ ތަކެތި:
4 ބިސް
1 ފިޔާ
2 ލޮނުމެދު
1 އިންޗީގެ ތުނި އިނގުރު ފޮއްޗެއް
½ 1 މޭޒުމަތީ ސަމުސާ ތެޔޮ (އަދި އިތުރު އެތިކޮޅެއް ބިސްގަނޑު އަޅަން ބޭނުންވެދާނެ)
3 އިންޗީގެ ފޮނިތޮށި
2 ކާފޫރުތޮޅި
6 އިންޗީގެ ރާނބާފަތް ކޮޅެއް
10 ހިކަނދިފަތް
1/3 ޖޯޑު ކޮށާފައިހުރި ވަޅޯމަސް
¼ ޖޯޑު ހަނާކުރި ހަވާދު
1 ޖޯޑު ފެން
1/3 ޖޯޑު ބޯކިރު
2/3 ސައިސަމުސާ ލޮނު (ނޫނީ ބޭނުން ވަރަކަށް)
* ތައްޔާރުކުރާނެ ގޮތް:
އެންމެ ފުރަތަމަ ބޯތަށްޓަކަށް ބިސްއަޅާފައި ލޮނުރަހަ ހެޔޮވަރުކޮށް ރަނގަޅަށް ގިރާލާށެވެ. ދެން ތަވައެއް އުދައި އެ ރަނގަޅަށް ހޫނު ކޮށްފައި އޭގެތެރެއަށް ގިރި ބިސްކޮޅު އަޅާލާށެވެ. ފުލުގައި ހިފިޔަ ނުދިނުމަށްޓަކައި ތަވައަށް ބިސްކޮޅު އެޅުމުގެ ކުރިން ތަވާގައި ތެޔޮކޮޅެއް އުނގުޅާލަން ރަނގަޅުވާނެ އެވެ. ދެން ބިސްކޮޅު ރޯފިލަން ދެން ބިސްގަނޑު ފިހާ ގޮތަށް ފިހެލާނީވެ. ރޯފިލީމާ ތަށްޓަކަށް ނަގާށެވެ.
ބިސްގަނޑު ތަށްޓަކަށް ނަގައި ހިހޫކުރުމަށް ފަހު، އެއް އިންޗީގެ ސައިޒް ހުންނަ ވަރަށް ފަހު ކަފައިލާށެވެ.
އެއަށް ފަހު ދެން ފިޔާކޮޅު ތުނިކޮށް ކޮށައިލާށެވެ. އަދި ފިޔާކޮޅާއި ލޮނުމެދުކޮޅު ޗަސްކޮށްލާށެވެ. 5. ދެން ތެއްޔެއްގައ ތެޔޮކޮޅު ހޫނު ކުރުމަށްފަހު އޭގެ ތެރެއަށް ފިޔާކޮޅާއި، ފޮނިތޮށްޓާއި، ކާފޫރުތޮޅިކޮޅާއި، ރާނބާފަތާއި، ހިކަނދިފަތްކޮޅު އަޅާފައި ފިޔާކޮޅު މަޑުވެ އެއަށް ރަތްކުލަ އަރަން ފަށަންދެން ހަނާކުރާށެވެ. އެއަށް ފަހު ލޮނުމެދާއި އިނގުރުކޮޅު އަޅާފައި ރަނގަޅަށް އެއްކޮށްލުމަށް ފަހު އެ ތަކެތީގެ ރަތްވަންދެން ހަނާކުރާނީ އެވެ.
ދެން ވަޅޯމަސްކޮޅު އަޅާ އެއްކޮށްލާފައި އަނެއްކާ ވެސް މިނެޓެއްވަރު ކެކިލަން ބަހައްޓާށެވެ. އެއަށް ފަހު ހަވާދުކޮޅު އަޅައި އެއްކޮށްލުމަށްފަހު ފެންފޮދު ވެސް އަޅާ އެއްކޮށްލާށެވެ. ދެން ބޮކިޖަހާ ކެކިގަންނަންދެން ކައްކާށެވެ.
ތެލީގައިވާ ތަކެތި ކެކިގަތުމުން، ކުރީގައި ތައްޔާރު ކުރި ބިސްގަނޑު ފޮތިތައް ތެއްޔަށް އަޅާފައި މަޑު މަޑުން އެއްކޮށްލާށެވެ. ގިނި މަޑުކޮށްލާފައި ދެ މިނެޓެއް ހާއިރު ކެކިލަން ބަހައްޓާށެވެ.
އޭރު އެހެރީ ބިސްގަނޑު ރަހަ ތައްޔާރުކުރެވިފަ އެވެ. މިއީ ބަތާއި ރޮއްޓާއެކީ ވެސް ކާލަން މީރު ރިހައަކަށް ވާނެ އެވެ.