ޓޫރިޒަމް އިންޑަސްޓްރީގައި މަސައްކަތްކުރާ އައްޑޫ މީހުންގެ ތެރެއިން މުހައްމަދު އާލިމަކީ މިހާރު ވަރަށް ފާހަގަކޮށްލެވޭ މީހެކެވެ. އޭނާ ވަނީ މި ދާއިރާ އިން މިހާތަނަށް އެތައް ތަޖުރިބާއެއް ހޯދައިފަ އެވެ. ހާއްސަކޮށް ހިއުމަން ރިސޯސް ނުވަތަ މީހުން ބިނާކުރުމުގެ ދާއިރާއިންނެވެ.
ރާއްޖޭގެ ފާހަގަކޮށްލެވޭ އެތައް ރިސޯޓެއްގައި އިސް ރޯލްތަކެއް އަދާކޮށް، އިންޑިސްޓްރީގެ ލޯތްބާއި އިތުބާރު ވަރަށް ބޮޑަށް ހޯދާފައިވާ އާލިމަކީ އައްޑޫ ފޭދު އަށް އުފަން ޒުވާނެކެވެ. ރަށުގެ އާންމުން ފަހުރުވެރިވާ ގަދަ ގައުމީ ހިދުމަތްތެރިއެކެވެ. ފޭދޫގެ އާދައިގެ އާއިލާއަަށް އުފަން އާލިމް ޓޫރިޒަމް ދާއިރާ އިން ހޯދަމުން އަންނަ ތަޖުރިބާތަކާއި ކުރިއެރުންތަކާ އެކީ އޭނާ މިހާރު އަނެއްކާ ވެސް ހުރީ އެހެން ދިމާއަކަށް މަސައްކަތުގެ މިސްރާބު ޖަހައިގެންނެވެ.
މި ފަހަރު އާލިމް ގުޅުނީ ވިލާ ހޮޓެލްސް އެންޑް ރިސޯސްގެ ހިއުމަން ރިސޯސް އެވެ. އެތަނުގައި އޭނަ އަކީ ޓެލެންޓް އެންޑް ކަލްޗަާގެ ގްރޫޕް ޑިރެކްޓަރެވެ. މައިގަނޑު ޒިންމާ އަކީ ހަމަ ކުރިން ވެސް އެންމެ ފަރިތަ މީހުން ބިނާކުރުމާއި ހުނަރުވެރި ޒުވާނުން ޓޫރިޒަމް ތެރެއިން އުފެއްދުމެވެ.
ވިލާ ޓްރެވެލްސް އެންޑް ރިސޯޓް އިން އިން ބުނި ގޮތުގައި އާލިމާ އެތަނުގެ މަސައްކަތްތައް ރިބްރޭންޑްވެ، ބޮޑެތި ބަދަލުތަކެއް ވެސް އަންނާނެ އެވެ. އާލިމަކީ ހިއުމަން ރިސޯސް ދާއިރާގެ 13 އަހަރުގެ ތަޖުރިބާ ހުރި މީހެކެވެ.
އޭނަ ކުރިން މަސައްކަތްކުރި ތަންތަނުގެ ތެރޭގައި ޕަޓީނާ މޯލްޑިވްސް، އެސްޓީ ރެޖިސް މޯލްޑިވްސް ވޮއްމުލި، ކަނުހުރާ މޯލްޑިވްސް، ޕާ އެކްއަމް ހުވަފެންފުށްޓާއި ވަން އެންޑް އޮންލީ ރީތި ރަށް އަދި ޑަބްލިއު މޯލްޑިވްސް ހިމެނެ އެވެ. އާލިމަކީ ރާއްޖޭން ބޭރުގެ ބައެއް ޓޫރިސްޓް ފެސިލީޓަކުގައި ވެސް މަސައްކަތްކޮށް ތަޖުރިބާ ހޯދާފައިވާ މީހެކެވެ. އެގޮތުން އެޓްލާންޓިސް، ދަ ޕާމް ދުބާއީ ހިމެނެ އެވެ.
ވިލާ ހޮޓެލްސް އެންޑް ރިސޯޓްސްއާ ގުޅުމުގެ ކުރިން އާލިމް މަސައްކަތްކުރީ ޕަޓީނާ މޯލްޑިވްސްގެ އެޗްއާރް ޑިރެކްޓަރެއްގެ ގޮތުގަ އެވެ.
އޭނާ ބުނި ގޮތުގައި މިހާތަނަށް އައި އިރު، ޓޫރިޒަމް ދާއިރާ އިން ލިބުނު އެންމެ ބޮޑު ހިތްހަމަޖެހުމަކީ ވެސް މީހުން ބިނާކުރުމާއި މި އިންޑަސްޓްރީ އަށް ފަންނުވެރި، ހުނަރުވެރި މީހުން ނެރެދިނުމުގެ މަސައްކަތުގައި ހިއްސާވެވޭތީ އެވެ.