މި އަހަރުގެ މާދަރީ ބަހުގެ ދުވަސް ރަސްމީކޮށް އައްޑޫގައި ފާހަގަ ކުރާ ގޮތަށް ދިވެހި ބަހުގެ އެކަޑަމީން ހަމަޖައްސައިފި އެވެ.
އެ އެކަޑަމީން ބުނީ މި މަހުގެ 21 ގައި ފާހަގަ ކުރާ މާދަރީ ބަހުގެ ދުވަހާ ގުޅުވައިގެން އައްޑޫގައި ގިނަ ހަރަކާތްތަކެއް ހިންގާނެ ކަމަށެވެ.
އެގޮތުން އައްޑޫގެ ހުރިހާ ސްކޫލްތަކަށް ހުޅުވާލައިގެން އަދަބީ އީދެއް ފާހަގަ ކުރުމުގެ އިތުރުން ޕްރީ ސްކޫލްތަކުގެ ދަރިވަރުންނަށް ހާއްސަކޮށްގެން އަދަބީ، ސަގާފީ ހަވީރެެއް ބޭއްްވުމަށް ވެސް ވަނީ ނިންމައިފަ އެވެ.
އަދި މި އަހަރުގެ މާދަރީ ބަހުގެ ދުވަސް، ފެބްރުއަރީ 21 އަކީ ހުކުރު ދުވަހަކަށްވާތީ، އެ ދުވަހުގެ ހުކުރު ހުތުބާ ވެސް ބަހަށް ހާއްސަ ކުރުމަށް އިސްލާމިކް މިނިސްޓްރީގައި އެކެޑަމީން ވަނީ އެދިފަ އެވެ.
މީގެ އިތުރުން މާދަރީ ބަހުގެ ދުވަސް ފާހަގަ ކުރަން ބާއްވާ ރަސްމީ ޖަލްސާ ވެސް އައްޑޫގައި ބާއްވާން އެކަަޑަމީން ވަނީ ހަމަޖައްސައިފަ އެވެ.
މާދަރީ ބަހުގެ ދުވަސް އައްޑޫގައި ފާހަގަ ކުރަން ނިންމުމާ ގުޅިގެން، ދިވެހި ބަހުގެ އެކެޑަމީގެ ޓީމެއް އެ ދުވަހުގެ ހަރަކާތްތަކާ ގުޅޭ ގޮތުން އައްޑޫ ސިޓީ ކައުންސިލާ ވެސް މަޝްވަރާ ކުރުމަށް އައްޑު އަށް އަންނަ ގޮތަށް ވަނީ ހަމަޖެހިފަ އެވެ.