* ބޭނުންވާ ތަކެތި:
1 ލާހި ހަނޑޫ
2/1 1 ދަޅު ހަކުރު (ގެރިކިރު ހުސްކުރި ދަޅު)
ގިތެޔޮ
މާފެން
* ތައްޔާރު ކުރާނެ ގޮތް:
ހަނޑޫ ހިމުންކޮށް ފުޑުމަށް ފަހު ފަތަފޮޅި ގޮތަށް ފަތުގައި ޖަހާށެވެ. ދެން މާފެނާއި އާދައިގެ ފެންފޮދެއް އެއްކޮށްފައި ރާނބާފަތް ލައިގެން ކައްކާށެވެ.
ފެންގަނޑު ކެކެން ހެދީމާ ރާނބާފަތްކޮޅު ނަގާށެވެ. ދެން ދެތިން ފަތަފޮޅި، ފެންގަނޑު ތެރެއަށް ލައިގެން ނަމަވެސް ރޯ ފިލުވާށެވެ.
ރޯ ފިލުމުން ނަގާފައި، ވަރަށް ހޫނުކޮށް ހުއްޓާ ދެތިން ފަހަރު މަތިން ހަކުރު އަޅައިގެން މޮޑޭށެވެ. ފަސޭހަ ވާނީ ހަކުރު މުގުރާފައި ބެހެއްޓިއްޔާ އެވެ.
ހުރިހާ ހަކުރެއް ހުސްވުމުން 1 ސަމުސާ (މޭޒުމަތީ) ގިތެޔޮ އަޅުއްވާ އަނެއްކާ ވެސް މޮޑޭށެވެ. މިއީ ވެސް ވަރަށް ގިނަ އިރު މޮޑެން ޖެހޭ އެއްޗެކެވެ. ދެން ކުދިކުދި ރޮށި ގޮތަށް ހަދާށެވެ. މަސް ރޮށީގެ ސައިޒަށެވެ.
ދެން ކުޑަކުޑަ ގިތެޔޮކޮޅެއް އަތްގަނޑުގައި ހާކާފައި ކޮންމެ އެއްްޗެއް ވަކިވަކިން ފިހާށެވެ.