* ބޭނުންވާ ތަކެތި:
1/2 ޖޯޑު ޔޯގަޓް 250 ގްރާމް ބޯން ލެސް ޗިކެން (ކިއުބްކޮށް ކޮށާފައި)
1 ފިޔާ (ކުދިކޮށް ކިއުބްކޮށް ކޮށާފައި)
1/4 ބެލް ޕެޕާ (ރަތާއި ފެހި)
1 ޖޯޑު ބާސްމަތީ ރައިސް
މުށެއްވަރުގެ ސްޕްރިންގް އޮނިއަން
1 މޭޒުމަތީ ސަމުސާ ލޮނުމެދު (ކުދިކޮށް ކޮށާފައި)
1/4 މޭޒުމަތީ އަސޭމިރުސް (މުގުރާފައި)
1/2 1 މޭޒުމަތީ ޒައިތޫނި ތެޔޮ
1/2 1 މޭޒުމަތީ ސަމުސާ ވިނިހގާ
1 މޭޒުމަތީ ސަމުސާ ޗިލީ ސޯސް
1 މޭޒުމަތީ ސޯޔާ ސޯސް
1/2 މޭޒުމަތީ ސަމުސާ ޗިލީ އެންޑް ގާލިކް ސޯސް
* ތައްޔާރު ކުރާނެގޮތް:
ޗިކެން ޓިއްކާ ތައްޔާރުކުރުމަށް ބޭނުންވާ ޓިއްލާ މަސާލާ އާއި ޔޯގަޓް އެއްކޮށްލުމަށްފަހު ކުކުޅު ތަކުގައި އުނގުޅާފައި މެރިނޭޓް ކުރަން ބަހައްޓާލާށެވެ. ދެން ގަޑިއެއްހާއިރު ބަހައްޓާލުމަށްފަހު އޮނު ކޮޅަކަށް (ބާބަކިއު ހަދާއިރު މާޝްމެލޯ އަމުނާކަހަލަ) ކުކުޅާއި، ފިޔާ އަދި ބެލް ޕެޕާ އަމުނާލާށެވެ.
ކުކުޅުކޮޅުގައި ހޭކުމަށް ފަހު ބާކީ ހުރިނަމަ ތައްޔާރު ކުރި މަސާލާ ގަނޑުތަރުކާތީ ތަކުގައިވެސް އުނގުޅިދާނެ އެވެ. ކުކުޅާއި މަސް އޮނުކޮޅަށް އަމުނާލުމަށް ފަހު އަވަނުން ފިހެލާށެވެ.
އޮނުކޮޅަށް އަމުނާނީ ކުކުޅު ކޮޅަކަށްފަހު ފިޔާކޮޅެއް ދެން އަނެއްކާ ވެސް ކުކުޅު ކޮޅެއް، ފެހި ބެލްޕެޕާ ކޮޅެއް، ކުކުޅު ކޮޅެއް އަދި ރަތް ބެލް ޕެލަރ ކޮޅެކެވެ. ކޮންމެ އޮނު ކޮޅަކަށްވެސް އަމުނާނީ ފަސް އެތިކޮޅުވަރަށެވެ.
ތަވާއެއްގައި ތެޔޮފޮދު ހޫނުކޮށްލާށެވެ. ލޮނުމެދު ކޮޅާއި ސްޕްރިންގ އޮނިއަން ކޮޅު ހަނާކޮށްލުމަށް ފަހު ސޯސް އަދި ވިނިގާ އަޅާލާށެވެ. ދެން އަސޭމިރުސް ކޮޅާއި ލޮނުލުމަށް ފަހު ރަހަ ހެޔޮވަރުކޮށްލާ ބަތްކޮޅު އަޅާލާށެވެ.
ބޭނުން ނަމަ ކުރިން ތައްޔާރުކުރި ޗިކެން ޓިއްކާ ގައި އެކުލެވޭ މަހާއި ތަރުކާރީ މީގެ ތެރެއަށް އަޅާލައި އެއްކޮށްލެވިދާނެ އެވެ. ނޫނީ ވަކިން ވެސް ސާވްކުރެވިދާނެ އެވެ.