ޒުވާނުންނަށް އަމާޒުކޮށްގެން "އަ ވީކެންޑް ވިތު އެމްއެންޑީއެފް" ގެ ނަމުގައި ހިންގާ ދެވަނަ ޕްރޮގްރާމް އެމްއެންޑީއެފް ސަދަން އޭރިއާ ސ. ގަމުގައި މިއަދު ފަށައިފި އެވެ.
"އަ ވީކެންޑް ވިތު އެމްއެންޑީއެފް" ޕްރޮގްރާމްގެ މައިގަނޑު މަޤްޞަދަކީ އިސްލާމީ ރިވެތި އުޞޫލުތައް ދަސްކޮށް ދިނުމާއި ބައިވެރިންގެ ހިތްތަކުގައި ޤައުމީ ލޯތްބާއި ޤައުމީ ރޫޙް އަށަގެންނެވުމާއި ލީޑަޝިޕް ހުނަރު އިތުރަށް ތަރައްޤީ ކުރުމުގެ ފުރުޞަތު ހޯދައި ދިނުމެވެ.
އަދި ދިމާވާ ގޮންޖެހުންތަކަށް ކުރިމަތިލާ، ނަފްސަށް އިތުބާރު ކުރަން ދަސްކޮށް ދިނުމާއި ހަރުދަނާ ނަފްސެއް ބިނާ ކުރާނެ ގޮތްތަކާއި އެމްއެންޑީއެފް އާއިބެހޭ މަޢުލޫމާތު ބައިވެރިންނަށް ފޯރުވައި ދިނުމެވެ.
މި ޕްރޮގްރާމްގެ ބައިވެރިންނަށް ކުރިއަށް ގެންދެވޭ މުހިންމު ބައިތަކުގެ ތެރޭގައި، މޮޑަން ލީޑަޝިޕްގެ ކޮންސެޕްޓްތައް ދަސްކޮށް ދިނުމާއި، އަމިއްލަ ނަފްސުގައި ހުރި ރަނގަޅު ކަންތައްތަކާއި ނުރަނގަޅު ކަންތައްތައް ދެނެގަންނާނެ ގޮތް ދަސްކޮށްދި ނުމާއި، ޓީމް ބިލްޑިން ޙަރަކާތްތަކުގެ ތެރެއިން ޓީމެއްގެ ތެރޭގައި އެކުވެރިކަމާއި، ފޯރި އާއި ޖޯޝް ގެންނާނެ ގޮތްތައް ދަސްކޮށް ދިނުމާއި، އަދި ފަރުދީ ހައިސިއްޔަތުން ތިމާގެ ގައިގައި ހުންނަންޖެހޭ އަޚްލާޤީ މިންގަނޑުތަކާއި، ސުލޫކީ މިންގަނޑުތައް ދަސްކޮށް ދިނުން ހިމެނެ އެވެ.
މިދިޔަ މަހުގެ 30 އިން މި މަހުގެ 1 އަށް ބޭއްވި "ވީކެންޑް ވިތު އެމްއެންޑީއެފް" ފުރަތަމަ ބުރުގައި 60 ބައިވެރިން ބައިވެރިވި އެވެ.