މި މަހުގެ 25 އިން މާޗް މަހުގެ ނުވަ ވަނަ ދުވަހާ ހަމައަށް ހޮންކޮންގުގައި ބާއްވާ ރޯވިން ކޮމްޕެޓިޝަން ނުވަތަ ފަލި ޖެހުމުގެ މުބާރާތުގައި އައްޑޫން ހަތަރު ކުއްޖަކު ބައިވެރިވާ ގޮތަށް ހަމަޖެހިއްޖެ އެވެ.
މި މުބާރާތަށް ހޮވިފައި ވަނީ ހިތަދޫ ސްކޫލްގެ އައިޝަތު ނައުފާ އާއި އަލީ މުސެއިދު އަޙްމަދު ސައީދުގެ އިތުރުން ޒުރާރު ސަލާހެވެ.
މި މުބާރާތަށް ކުދިން ހޮވުމުގެ ގޮތުން ރޯވިން އެސޯސިއޭޝަނުން އައްޑޫގައި ވަނީ މިދިޔަ ޑިސެމްބަރު މަހު "އައްޑޫ ސިޓީ ފެސްޓިވަލް އޮފް ރޯވިން" ގެ ނަމުގައި މުބާރާތެއް ވެސް ބާއްވައިފަ އެވެ.
އެ މުބާރާތަށް ފަހު ހޮވުނު ކުދިންނަށް އިތުރު ޓްރޭނިންތަކެއް ބޭއްްވުމަށް ފަހު، ހޮންކޮންގަށް ދާން ކުދިން ހޮވާފައި ވަނީ މިދިޔަ ހަފްތާގެ ތެރޭގަ އެވެ.