ތިއީ ދެމަފިރިން ހެއްޔެވެ؟ ކުއްޖަކު ހޯދަން ތައްޔާރު ވަނީ ހެއްޔެވެ؟ އެހެން ކަމަށްވާ ނަމަ ވަކި ޖިންސެއްގެ ކުއްޖެއް ނުލިބިގެން ވަރަަށް ގިނަ މީހުން އެކަމާ ދެރަވެގެން އުޅެ އެވެ.
ފްރާންސް މީހުން ގަބޫލު ކުރާ ގޮތުގައި ދެމަފިރިންގެ ކެއުމުގެ އާދަތައް ވަކި ގޮތަކަށް ބަހައްޓައިގެން ބޭނުން ޖިންސެއްގެ ކުއްޖަކު ހޯދި ދާނެ އެވެ.
ދެމަފިރިން ވެސް ކުއްޖަކު ހޯދުމަށް ރޭވުމުގެ ތިން ހަފުތާ ކުރިން މި ކެއުން ކާން ފަށަން ޖެހެ އެވެ. އަދި ބަލިވެ އިނުމަށް ފަހު ހަތް ހަފުތާ ވަންދެން މި ކެއުމުގައި އަންހެން މީހާ ދެމި ހުންނަން ޖެހެ އެވެ. ނިކަން މިކަންކަމަށް ސަމާލުކަން ދީބަލާށެވެ. ވާ ގޮތެއް އެނގިދާނެތާ އެވެ.
* އަންހެން ކުއްޖަކު ބޭނުން ނަމަ:
ބުއިމަކަށް ކޮފީ، ސައި، ޗޮކްލެޓް، ކޮކޯ، ކެލްސިއަމް މިނަރަލް ވޯޓާ ބޭނުން ކުރާށެވެ.
އެއްގަމު މަސް މަދު މިންވަރަކަށް ބޭނުން ކުރެވިދާނެ އެވެ. ކަނޑުމަސް ތާޒާ އަދި އައިސް އަލަމާރި އަށް ލާތާ މާ ގިނަ ދުވަސް ނުވާ މަސް ބޭނުން ކުރާށެވެ. ބިސް ކިތަންމެ ގިނަ އެއްކޮށް ކެޔަސް މައްސަލައެއް ނެތެވެ.
ޕާން އަދި ސީރިއަލްގެ ބާވަތްތައް ކެއުމުގައި ޔީސްޓާއި ލޮނު ނުލާ ހުންނަ އެއްޗެހި ކާށެވެ.
ތަރުކާރީގެ ތެރެއިން އަލުވި ކާންޖެހޭނީ ވަރަށް މަދުންނެވެ. އެގް-ޕްލާންޓް، އެސްޕަރެގަސް، ބީޓް، ކެރޮޓް، ކިއުކަމްބާ، ވޯޓާކްރެސް، ގްރީން ހަރިކޮޓްސް، ތޮޅި، ކެޕްސިކަމް، ފިޔާ، ޓޮމާޓޯ ފެނު ކައްކައިގެން ކެއުން ރަނގަޅެވެ.
މޭވާގެ ތެރެއިން: ޕްލަމް، އެޕްރިކޮޓް، ޗެރީ، ދޮންކެޔޮ، އޮރެންޖް، ބްލެކް ކަރަންޓް ނޫން ހުރިހާ ބާވަތެއްގެ މޭވާ ކާށެވެ.
ނަޓްސްގެ ތެރެއިން އާމަންޑް، ފިލްބާޓް، ޕީނަޓް ލޮނު ނާޅައި ހުންނަ ކެއުން ރަނގަޅެވެ.
މީގެ އިތުރުން ހަކުރު، މާމުއި، ހަވާދު، ޖޭމް، އެކި ރަހަ ލައްވާފައި ހުންނަ ހާބްސް އަކީ ވަރަށް ފައިދާ ހުރި އެއްޗިއްސެވެ.
މާ ގިނައިން ލޮނު އަޅާފައި ހުންނަ ކާތަކެއްޗާ ވީވަރަކުން ދުރުހެލިވާން ޖެހޭނެ އެވެ.
ތައްޔާރީ ބުއިންތައް، ދަޅުގައި ބަންދުކޮށްފައި ހުންނަ ޖޫސް، ސޮސެޖް، ދިލަ ޖައްސާފައި ގޮތަށް ތައްޔާރުކޮށްފައި ހުންނަ ކާނާ، ރޯސްކޮށްފައި ހުންނަ މަސް، ދަޅުގައި ބަންދުކޮށްފައި ނުވަތަ ލޮނުލާފައި ހުންނަ މަސް، ކްރޯފިޝް، ޝްރިމްޕްސް، ހުރިހާ ބާވަތެއްގެ ޗީޒާއި އައިސްކްރީމް، އާދައިގައި ބޭނުންކުރާ ޕާނުގެ ބާވަތްތައް، އަދި ހުރިހާ ބާވަތެއްގެ ކޮންފެކްޝަނަރީޒް ބޭނުންކޮށްގެން ނުވާނެ އެވެ.
އަދި ޒުވާރި، ދަޅުގައި ބަންދުކޮށްފައި ހުންނަ ތަރުކާރީ، ތެލުލި އަލުވި، ރޯ ޓޮމާޓޯ، މުގު، ހިއްކާފައި ހުންނަ ލޮނު ލާފައި ހުންނަ މޭވާ، ކަރާގެ އާއިލާގެ ބާވަތްތައް، ލޮނު، ޔީސްޓް، ސޮޑާ، ޒައިތޫނު، މާޖަރީން، އެކި ބާވަތުގެ ސޯސް އަކީ ކެއުމުން ދުރުހެލިވާން ޖެހޭ ތަކެއްޗެވެ.
* ފިރިހެން ކުއްޖަކު ބޭނުން ނަމަ:
ސޮޑާ މިނެރަލް ވޯޓާ، ސައި، ކޮފީ، މޭވާ ޖޫސް ގިނައިން ބޯށެވެ. ސޮސެޖާއި ހުރިހާ ބާވަތެއްގެ އެއްގަމު މަސް ކެއުން ރަނގަޅެވެ. މަހުގެ ވެސް ހުރިހާ ބާވަތްތަކެއް ކާށެވެ.
ޕާނާއި ސީރިއަލްސްގެ ތެރެއިން ފޮނިކޮށް ހަދާފައި ހުންނަ ޕޭސްޓްރީ، ސްޕޮންޖް ކޭކު، ސެމޮލީނާ އާއި ބަތް ކެއުން ރަނގަޅެވެ.
ތަރުކާރީގެ ތެރެއިން އަލުވި، މަޝްރޫމް، މުގު، ހިއްކާފައި ހުންނަ ޕީސް ރަނގަޅު ވާނެ އެވެ.
މޭވާގެ ބާވަތްތަކުގެ ތެރެއިން ހާއްސަކޮށް ޗެރީ، ދޮންކެޔޮ، އެޕްރިކޮޓް، އޮރެންޖް، ޕީޗް، އަދި ކަދުރުގެ ފައިދާ ބޮޑެވެ.
ހިކި މޭވާގެ ތެރެއިން، ޕްރޫންސް އާއި ހިއްކާފައި ހުންނަ އެޕްރިކޮޓާއި ކަދުރު ކާށެވެ.
ލޮނު ލާފައި ހުންނަ ކާއެއްޗެހި ވީ އެންމެ ގިނައެއްކޮށް ކާށެވެ. ދަޅުގައި ބަންދުކޮށްފައި ހުންނަ އެއްޗިއްސާއި ޔީސްޓް އަޅާފައި ހުންނަ ތަކެތި ކެއުމަށް ބިރު ނުގަންނާށެވެ. ކިރާއި، ކިރުން އުފައްދާފައި ހުންނަ ބާވަތްތައް، ކެލްސިއަމް، މިނަރަލް ވޯޓާ، ޝްރިމްޕްސް، ކަކުނި، ފަދަ ތަކެތި ބޭނުން ނުކުރާށެވެ.
ބިސް އަަޅައިގެން ތައްޔާރުކޮށްފައި ހުންނަ ޕޭސްޓްރީޒް އާއި ޕާނުގެ ބާވަތްތައް، ޕޭން ކޭކް، ވެފްލްސް، ލެޓިއުސް، ބީންސް، ގްރީން ބީންސް، ރޯ ކެބެޖް، ވޯޓާކްރަސް، ފެނެލް، ވޯލްނަޓް، ފިލްބާޓް، އާމަންޑް، ޕީނަޓް ކޮކޯ އަދި މިލްކް ޗޮކްލެޓް މަދު މިންވަރެއް ބޭނުން ކުރާށެވެ.