* ބޭނުންވާ ތަކެތި:
2 ޖޯޑު ބަތް
1 ފިޔާ
15 ހިކނަދިފަތް
3 އިންޗީގެ ރާނބާފަތްކޮޅެއް
2/3 ޖޯޑު ކޮށާފައިވާ ވަޅޯމަސް (ގޮޅިކޮށް ހުންނަ ގޮތަށް)
2 ލޮނުމެދު
½ ސައިސަމުސާ ނުމުގުރާ ހުރި އަސޭމިރުސް
1 ބޮޑު ޓޮމާޓޯ
5 މޭޒުމަތީ ސަމުސާ ޓޮމާޓޯ ޕޭސްޓް
3 ސައިސަމުސާ ރިހާކުރު
½ ގިތެޔޮ މިރުސް (ނޫނީ ބޭނުން ވަރަކަށް)
½ ސައިސަމުސާ ލޮނު (ނޫނީ ބޭނުން ވަރަކަށް)
½ 1 މޭޒުމަތީ ސަމުސާ ތެޔޮ
* ތައްޔާރު ކުރާނެ ގޮތް:
ފިޔަ އާއި ލޮނުމެދާއި ގިތެޔޮ މިރުސް ތުނިކޮށް ކޮށާލާށެވެ. އަދި ޓޮމާޓޯގެ އޮށްތައް ނެގުމަށްފަހު ގޮޅިގޮޅިއަށް ކޮށާލާށެވެ. ދެން ތެއްޔެއްގައި ތެޔޮކޮޅު ހޫނުކޮށްލުމަށް ފަހު އޭގެ ތެރެއަށް ފިޔާކޮޅާއި ހިކަނދިފަތާއި ރާނބާފަތާއި ގިތެޔޮ މިރުހާއި އަސޭމިރުސްކޮޅު އަޅާލާފައި ފިޔާކޮޅު މަޑުވެ އެއަށް މުށިކުލަ އަރަން ފަށަންދެން ހަނާކުރާށެވެ. ދެން ލޮނުމެދުކޮޅު އަޅާލާފައި އެ މަޑުވެލަންދެން ބަހައްޓާލާށެވެ.
އެއަށް ފަހު ވަޅޯމަސްކޮޅާއި ލޮނުކޮޅު އަޅާލާފައި ރަނގަޅަށް އެއްކޮށްލުމަށް ފަހު ތެލީގައި މަތި ޖަހާށެވެ. އަދި މެދު މިންވަރެއްގައި ގިނި ބަހައްޓައިގެން 5 ވަރަކަށް މިނެޓު ކައްކާލާށެވެ.
ދެން އޭގެ ތެރެއަށް ކޮށި ޓޮމާޓޯތައް އެއްކޮށްލާފައި އަނެއްކާވެސް މަތިޖެހުމަށް ފަހު 2 މިނެޓެއްހާ އިރު ބަހައްޓާލާށެވެ. އޭގެ ފަހުން ޓޮމާޓޯ ޕޭސްޓާއި ރިހާކުރުކޮޅު ތެއްޔަށް އަޅާނީ އެވެ. ރަނގަޅަށް އެއްކޮށްލުމަށް ފަހު އަނެއްކާ ވެސް މަތިޖަހާ ދެމިނެޓެއް ހާއިރު ކައްކާލާނީ އެވެ.
ދެން ބަތްކޮޅު ތެއްޔަށް އަޅާލާފައި ރަނގަޅަށް އެއްކޮށްލުމުން އެހެރީ ޓޮމާޓޯ ބަތް ތައްޔާރުކުރެވިފަ އެވެ.