ސ. ފޭދޫގައި "ގިފިލި ބަލާ" ކަމަށް މަޝްހޫރުވެފައިވާ މުދިމުގެ މައްސަލަ ބަލަމުން އަންނަ ކަމަށް ފޭދޫ އަވަށު އޮފީހުން މިއަދު ބުނެފި އެވެ.
ގޭގޭގެ ގިފިލި ބަލާ ކަމަށް ބުނެ އާންމުން ކަންބޮޑުވުން ފާޅު ކުރާ މުދިމަކީ ފޭދޫ ސިއްހީ މަރުކަޒު ކުރިމަތީގައި ހުންނަ މަސްޖިދުލް ހުދާގެ މުދިމު ފޭދޫ އިޝްތިހާރުގޭ މުހައިމިން އަހުމަދެވެ.
ފޭދޫ އަވަށު އޮފީހުގެ އޮފިޝަލަކު ވިދާޅުވީ "މުދިމު ގިފިލި ބަލާކަމުގެ ވާހަކަތައް އެންމެ ފުރަތަމަ އެނގުނީ އައްޑޫ ލައިވް" އިން ކަމަށެވެ.
"އެކަހަލަ ވާހަކަަތަކެއް އައްޑޫ ލައިވްގައި ޖަހާފައި އޮއްވާ އަޅުގަނޑުމެން ވެސް ދެކުނީ. އެ ކަހަލަ ޝަކުވާތަކެއް އެއްވެސް ފަރާތަކުން އޮފީހާ ހަމައަށް ގެނެސްފައެއް ނެތް،" އޭނާ ވިދާޅުވި އެވެ. "އެކަމަކު އަޅުގަނޑުމެން އެ މުދިމު ގެނެސްގެން ވާހަކަ ދައްކައި ނަސޭހަތްތެރިވިން. އަދި އެކަން މިހާރު ވެސް އިތުރަށް ބަލަމުން އަންނަނީ. އަހުލާގީ އެކަހަލަ ކަމެއް މުދިމެއްގެ ފަރާތުން ފާހަގަ ކުރެވޭ ކަމަށް އެކަމެއް ބަލާފައި އަޅަން ޖެހޭ ފިޔަވަޅެއް އަޅާނެ."
ފޭދޫގެ ބައެއް މީހުން ބުނާ ގޮތުގައި މުދިމު ގޭގޭގެ ގިފިލި ބަލާފައި އެނބުރި ދަނީ އެ ވަގުތަކު ގިފިލީގައި ހުރި މީހަކު ހުރި ގޮތް ފާރުގައި ލިޔެފަ އެވެ.
ދާދި ފަހުން ފަތިހުގެ ވަގުތެއްގައި ގެއެއްގެ ގިފިލި ބަލަނިކޮށް ފަޅާ އަރައި، އެ މައްްސަލަ ފުލުހުންނަށް ރިޕޯޓްކޮށް މުހައިމުން ފުލުހުންގެ ބެލުމުގެ ދަށަށް ވެސް ގެންދިޔަ އެވެ.
ނަމަވެސް ޤުރުއާން ވެސް ހިތު ދަސްކޮށްފައިވާ މުހައިމިނަކީ ބޯހަމަނުޖެހޭ މީހެއް ކަމަށް އާއިލާ އިން ބުނުމާ ގުޅިގެން، ފުލުހުން އޭނާ ދޫކޮށްލާފައިވެ އެވެ.