އެމްޑީޕީގެ ޗެއާޕާސަން ހޮވުމަށް ބާއްވާ އިންތިހާބުގައި ވާދަކުރައްވާ މިނިސްޓަރު ފައްޔާޒު އިސްމާއިލް އެމްޑީޕީ ގައުމީ މަޖިލީހުގައި ތަމްސީލުކުރައްވާ ގަމު ދާއިރާއަށް ވަޑައިގެން އޭނާގެ ވާދަވެރި ކެންޑިޑޭޓު އިމްތިޔާޒް ފަހުމީ (އިންތި) ވަރަށް ވަރުގަދަ ބަހުގެ ހަމަލާތަކެއް ދެއްވައިފި އެވެ.
ރައްޔިތުންގެ މަޖިލީހުގައި ގަމު ދާއިރާގެ މެމްބަރުންކަން ވެސް ކުރައްވާފައިވާ ފައްޔާޒާ ވާދަކުރައްވާ އިންތި ލ. އަތޮޅުގެ ރަށްތަކަށް ވަޑައިގެން އެމްޑީޕީގެ ސަޕޯޓަރުންނާ ވަނީ ބައްދަލުކޮށްފަ އެވެ. އެގޮތުން ގަމުގައި ބޭއްވި ބައްދަލުވުމުގައި އިންތި ވިދާޅުވީ އެމްޑީޕީ އަށް މި ވަގުތު އޮތް އެންމެ ބޮޑު ބިރަކީ އަދި ނުރައްކަލަކީ އެމްޑީޕީގެ މެމްބަރުން ބައިބައިކޮށްގެން އަމިއްލަ ބާރުވެރިކަން ހޯދަން ބަޔަކު މަސައްކަތް ކުރުން ކަމަށެވެ.
“ކާކުތޯ ހިތައް އަރާނީ އެސްއެމްއީ ލޯނަކަށް ނުވަތަ ކޯޓާއަކަށް އެދެފިއްޔާ ތިޔަބޭފުޅުން ތާއީދުކުރާ މީހަކަށް ތާއީދު. ހިތުގައި އޮތް ތާއީދު ހާމަކޮށްލުމަށް ބިރުގަންނަ ހާލަތަށް މި ވިސްނުމަށް ގެންގޮސް މި ޕާޓީ އެ މިސްރާބަށް ގެންދާނެ ކަމަށް. މިއަދުގެ ހާލަތަކީ މިއީ.” @Imthiyazfahmy – pic.twitter.com/j2anylRf00
— 𝑺𝓲𝓶 (@Simwarr) April 16, 2022
ނުސީދާ ގޮތުން ފައްޔާޒާއި އޭނާއަށް ތާއީދުކުރާ އިސް މެމްބަރުންނަށް ރައްދުކުރައްވައި އިންތި ވިދާޅުވީ ބައިބައިކޮށްގެން ބާރު ވެރިކަން ހޯދައިގެން، އަންނަ އަހަރުގެ ރިޔާސީ އިންތިހާބު ކާމިޔާބު ނުކުރެވޭނެ ކަމަށެވެ.
"ހަމަ ޝައްކެތް ނެތް އެ މަގަށް އެ މަސައްކަތް ކުރަނީ މި ޕާޓީ ހަލާކުކޮށް، މި ޕާާޓީ ފަޅާލަން، މި ޕާޓީއަށް 2023ގެ އިންތިހާބު ގެއްލުވާލަން މަސައްކަތްކުރާ މީހުން" އިންތި ވިދާޅުވިއެވެ.
އެމްޑީޕީ އަކީ އެންމެ ގިނަ މީހުން އިތުބާރުކުރާ އަދި އެންމެ ވަރުގަދަ ޕާޓީ ކަމަށާއި ނަމަވެސް މިހާރު އެ ކުރަމުންދާ މަސައްކަތަކީ އެ ޕާޓީއަށް އޮތް ޖޯޝާފޯރިކުޑަކޮށް ޕާޓީ ބައިބައިކުރުން ކަމަށެވެ.
ލ.ފޮނަދޫ އެމްޑީޕީގެ މެމްބަރުންނާއި އެންމެ ގާތަށް.
މިވަގުތުވެސް ގެއަކަށް ފަހު ގެއަކަށް 🏃♂️#Live #InthiAaEku #ThilafathugeRamzug pic.twitter.com/zr98DiAQ0V— 𝑺𝓲𝓶 (@Simwarr) April 16, 2022
"މި ވަގުތު މި ދައްކަނީ ވަޒީރަށް ވޯޓު ނުދީފިއްޔާ ރަށްފަޅުކުރާނަމޭ، އަބްދުﷲ ހަމީދަށް ވޯޓު ނުދެެއްވައިފި ނަމަ ރަށްފަޅުކުރާނަމޭ ބުނާ ޒާތުގެ ވާހަކައެއް. މާ ކުރީގެ ވާހަކައެއް އަނެއްކާ މި ޕާޓީ އަށް ގެންނަން މަސައްކަތް މި ކުރަނީ."
އިންތި ވަނީ އެމްޑީޕީ ތެރޭގައި މެމްބަރުން ވަނީ ވަޒީފާގެ ބިރުވެރިކަމާއި ރަށްފަޅުކޮށްފާނެ ކަމުގެ ބިރު ތަޖުރިބާކުރަން ޖެހިފަ ކަމަށެވެ.
ލ.ފޮނަދޫ އެމްޑީޕީގެ މެމްބަރުންނާއި އެންމެ ގާތަށް.
މިވަގުތުވެސް ގެއަކަށް ފަހު ގެއަކަށް 🏃♂️#Live #InthiAaEku #ThilafathugeRamzug pic.twitter.com/SjuwG0qu00— 𝑺𝓲𝓶 (@Simwarr) April 16, 2022
"މުޅިން މި ޕާޓީ ދުރުކޮށް އެކަހަރިކޮށް މި ޕާޓީ މިނިވަންކޮށް މިކަން ކަން ހާސިލްކުރިފަހުން އަނެއްކާ އެއްކަލަ ބާތިލް ގޮތްތަކަށް ގެންދާތަން މި ފެންނަނީ. މިއީ މި ޕާޓީއާ ގުޅޭ ކަމެއް ނޫން އަހްލާގެއް ނޫން، މި ޕާޓީގެ މަސްލަހަތެއް ނޫން މި ގައުމުގެ މަސްލަހަތެއްވެސް ނޫން،" އިންތި ވިދާޅުވި އެވެ.
މިއީ ވަޒީރުންގެ މެދުގައި ބާއްވާ ރީތީގެ މުބާރާތެއް ނޫން ކަމަށް ވިދަޅުވެ އިންތި ފާހަގަކުރެއްވީ ޕާޓީގެ އާއްމު މެމްބަރުން ވައްކަމަށް ފުރުސަތު ނުދޭނެ ކަމަށެވެ.