ބައެއް މީހުންނަށް އެނގިފައި އޮންނަ ގޮތުގައި ތުއްތު ކުދިންގެ ހަންގަނޑު ހުންނާނީ ވަރަށް އޮމާންކޮށް އަދި މަޑުކޮށެވެ. ނަމަވެސް މިއީ އެކަން އޮންނަ ގޮތެއް ނޫނެވެ. އެހެން މީހުންނެކޭ އެއް ފަދައިން ކުޑަކުދިން ވެސް ހަންގަނޑު ހިކުމަށް މެދުވެރިވާ ސަބަބުތަކުގެ ޝިކާރައަކަށް ވެ އެވެ.
ނަމަވެސް އެ ކުދިންގެ ނާޒުކު ހަންގަނޑު އަލުން މޮއިސްޗަރައިޒްކޮށް ބެހެއްޓުމަށްޓަކައި ހާއްސަ ފަރުވާ އާއި އަޅާލުން ބޭނުންވެ އެވެ.
* ފެންވެރުވުން:
ތުއްތު ދަރިފުޅު އަވަސްއަވަހަށް ފެންވެރުވުމުން ހަންގަނޑު ހިކުމުގެ މައްސަލަތަކާ ދިމާވާނެ އެވެ. އެހެންކަމުން، ކޮންމެ ދުވަހަކު ފެންވެރުވުމުގެ ބަދަލުގައި ދެ ދުވަހުން އެއްދުވަހު ފެންވަރުވާ ގޮތަށް ގަޑިތައް ބަހާލާށެވެ.
ހަންގަނޑު ހިކުމަށް އަދި އިތުރު މައްސަލަތައް ދިމާވެދާނެ ފަދަ ބާރުގަދަ ސައިބޯނި ބޭނުންކުރުމުން ދުރުހެލިވާށެވެ. އަދި ސައިބޯނީގެ ބަދަލުގައި އާދައިގެ ކްލީންސާއެއް، ނޫން ނަމަ ބައެއް ދުވަސްދުވަހު ހަމައެކަނި ފެން ފޮދަކުން ދަރިފުޅު ފެންވެރުވި ދާނެ އެވެ. ފެން ހުންނަންވާނީ ތާފަނާކޮށެވެ. އަދި ފަހަރަކު 10 މިނިޓަށް ވުރެ ގިނައިރު ތުއްތު ދަރިފުޅު ފެނާ އެކު ނުބަހައްޓާށެވެ.
ފެންވަރުވާ ނިމުމުން މަޑު ތުވާއްޔަކުން މަޑުމަޑުން ފެން ހިއްކާށެވެ. އަދި ހަމަ ވަގުތުން ތުއްތު ދަރިފުޅުގެ ހަންގަނޑުގައި އެކަށީގެންވާ ފަދަ މޮއިސްޗަރައިޒާއެއް އުނގުޅާށެވެ. ފެންވެރުމުން ތާޒާކަންމަތީ ހުންނަ އިރު ހަންގަނޑުގައި ހުންނަ ލޯވަޅުތައް ވަރަށް ބޮޑަށް ހުޅުވެ އެވެ. ނަތީޖާއެއްގެ ގޮތުން، އެންމެ އެދެވޭ ގޮތެއްގައި ލޯޝަންގެ އަސަރު ހަންގަނޑަށް ފޯރަ އެވެ.
އެއް ފަހަރު ލޯޝަން އުނގުޅުމަށް ފަހު ހަންގަނޑަށް އޭގެ އަސަރު ކުރަންދެން ކުޑަ އިރުކޮޅަކު މަޑުކޮށްލާށެވެ. އެއަށް ފަހު ދެ ވަނަ ފަހަރަށް ލޯޝަން އުނގުޅުމަށް ފަހު ހަންގަނޑަށް އޭގެ އަސަރު ކުރަންދެން ކުޑައިރުކޮޅަކު މަޑުކޮށްލާށެވެ. އެއަށް ފަހު ދެ ވަނަ ފަހަރަށް ލޯޝަން އުނގުޅާށެވެ.
މިހެން ހެދުމުން، ހަމުގައި ތެތްކަން ހިފަހައްޓައިދީ އަދި ގިނަ އިރުވަންދެން ހަންގަނޑު މަޑުކޮށް ބަހައްޓައިދެ އެވެ.