ބަނގުރާ ކަމަށް ބެލެވޭ ގިނަ އަދަދެެއްގެ ފުޅިތަކަކާ އެކު ސ. ފޭދޫން ދެ ޒުވާނަކު ފުލުހުންގެ ބެލުމުގެ ދަށަށް ރޭ ގެންގޮސްފި އެވެ.
ފުލުހުން ބުނީ ރޭ ދަންވަރު ހިންގި ޚާއްޞަ އޮޕަރޭޝަނެއްގައި ތިން ވައްތަރެއްގެ ޖުމްލަ 38 ފުޅި ބަނގުރަލާ އެކު ދެ މީހަކު ހައްޔަރު ކުރީ އެ ރަށު ގެއެއްގެ ގޯތިތެރެއިން ކަމަށެވެ.
ހައްޔަރު ކުރި ދެ މީހުންގެ ތެރެެއިން އެކަކީ ޕީޕީއެމްގެ ފޭދޫ އިސް އެކްޓިވިސްޓެކެވެ. އެއީ ފޭދޫ އޯޝަންވިލާ މުހައްމަދު އަލްތާފް އަޒްފީނެވެ. އަދި އަނެއް މީހާއަކީ ފޭދޫ ސްޕްރިންގްވިލާ އަހުމަދު ޝައިޒަން އެވެ.
މި ދެ މީހުންނަކީ އާންމުކޮށް ވަރަށް އެކުގައި އުޅޭ ދެ މީހުންކަން ފާހަގަ ކުރެވެ އެވެ.