ސ. ފޭދޫގައި ހަދާފައިވާ ހައުސިން ޔުނިޓްތަކަށް ކުރިމަތިލާން ފޯމް ނެގި ފަރާތްތަކަށް، ފޯމްތައް ހުށަހެޅުމަށް ދިން މުއްދަތު މި މަހުގެ 27 ވަނަ ދުވަހާ ހަމައަށް އިތުރުކޮށް ދީފި އެވެ.
ކުރިން ހަމަޖެހިފައި އޮތީ މި މަހުގެ 16 އަށް ފޯމްތައް ލުމަށެވެ. އެހެން ނަމަވެސް އެކިއެކި ސަބަބުތަކާ ހެދި ފޯމްތައް ނުލެވި ހުރި ފަރާތްތަކަށް ފޯމް ލުމަށް ދިން ފުރުސަތު ފަހުން، މި މަހުގެ 20 އަށް އިތުރު ކުރި އެވެ.
ފޭދޫ އަވަށު ބޯޑްގެ ޑެޕިއުޓީ ޑިރެކްޓަރު ހަސަން ލަތީފް އަލީ ވިދާޅުވީ މިހާރު ހަމަޖެހިފައި އޮތް ގޮތުން ފޯމްތައް ނެގި ފަރާތްތަކުން، ފޯމްތައް ހުށަހަޅަން ޖެހޭ އެންމެ ފަހު ތާރީހަކީ މި މަހުގެ 27 ކަމަށެވެ.
ކުރިން ހަމަޖެއްސި ސުންގަޑި ކަމަށްވާ 16 ވަނަ ދުވަހާ ހަމައަށް އަވަށު އޮފީހުން ވަނީ 116 ފޯމް ބަލައިގެންފަ އެވެ.
ފޭދޫގެ ދެ ދިމާލެއްގައި ހަދާފައިވާ ހައުސިން ޔުނިޓްތައް ދޫކުރުމުގެ މަސައްކަތް މި ފަހަރު ކުރިއަށް ގެންދަނީ ހައުސިން މިނިސްޓްރީގެ ފަރާތުންނެވެ.