ޓީޗަރުންނާއެކު ލެކްޗަރާއިންގެ މުސާރަ ވެސް ބޮޑުކުރަންޖެހޭ ކަމަށް މަޑުއްވަރީ ދާއިރާގެ މެމްބަރު އާދަމް ޝަރީފް އުމަރު ވިދާޅުވެއްޖެއެވެ.
ޓީޗަރުންގެ މުސާރަ ސަރުކާރުން ބޮޑުކޮށްފައިވާއިރު ޔުނިވަސިޓީތަކުގައި ކިޔަވައިދޭ ލެކްޗަރާއިންގެ މުސާރަ ބޮޑު ނުކުރުމުން އެކަމުގެ ކަންބޮޑުވުން ބައެއް ފަރާތްތަކުން އަންނަނީ ފާޅުކުރަމުންނެވެ.
އެކަމާ ގުޅިގެން އާދަމް ޝަރީފް ކުރެއްވި ޓްވީޓެއްގައި ވިދާޅުވީ ގައުމީ ތަރައްގީއަށްޓަކައި ޓީޗަރުންނެކޭ އެއްފަދައިން ޓީޗަރުން ތަމުރީނުކުރާ މީހުންގެ ދައުރުވެސް ބޮޑުވާނެކަމަށެވެ.
އާދަމް ޝަރީފް ވިދާޅުވީ ޓީޗަރުންގެ މުސާރަ ބޮޑުކުރިއިރު، ލެކްޗަރާއިން ބާކީ ކޮށްލުމަކީ ދެރަކަމެއް ކަމަށެވެ. އަދި ޓީޗަރުންގެ މުސާރައާ އެކު ލެކްޗަރާއިންގެ މުސާރަވެސް ބޮޑުވާންޖެހޭ ކަމަށެވެ.
Qaumee tharaqqee ahtakai, teacherunnekey ehfadhain teachers thamreen kuraa meehunge dhauru boduvaanekan sikundi hamajehey komme meehakah engeyne! Teachers musaara bodukuriiru Lecturers baakee kollumakee dherakameh. Mudharrisunge musaara aaieku Lecturers ge musaara bodukuranjehey.
— Adam Shareef Umar (@Adamshareefz) May 3, 2022
ޓީޗަރުންނާއި ޕްރިންސިޕަލުން އަދި ތައުލީމީ ދާއިރާގެ އެކި ފަރާތްތަކުގެ މުސާރައަށް ސަރުކާރުން ވަނީ ހެޔޮ ބަދަލެއް ގެނެސްފައެވެ. އެގޮތުން ޕްރިންސިޕަލުންގެ މުސާރަ 30،000ރ އިން މައްޗަށް ޖެހިފައިވާއިރު ގިނަ ޓީޗަރުންގެ މުސާރަ ވަނީ 20،000ރ އިން މައްޗަށް ޖެހިފައެވެ.