ކުރިއަށް އޮތް ރައްޔިތުންގެ މަޖިިލިސް އިންތިހާބުގައި އައްޑޫން ޖުމްލަ 28 ކެންޑިޑޭޓަކު ވާދަ ކުރާނެ ކަމަށް އިލެކްޝަން ކޮމިޝަނުން ބުނެފި އެވެ.
އެ ކޮމިޝަނުން ބުނީ އައްޑޫގެ ހަތް ދާއިރާ އަށް 28 ކެންޑިޑޭޓޫން ވާދަ ކުރާ އިރު، އޭގެ ތެރޭގައި ހިމެނެނީ އެމްޑީޕީ އާއި ސަރުކާރު ހިންގާ ކޯލިޝަނާއި އަމިއްލަ ގޮތުން ވާދަ ކުރައްވާ ކެންޑިޑޭޓުންނެވެ.
އައްޑޫން އެންމެ ގިނަ ކެންޑިޑޭޓުން ވާދަ ކުރަނީ ހިތަދޫންނެވެ. އެއީ ޖުމްލަ 10 އެވެ.
އެގޮތުން ހިތަދޫ ދެކުނު ދާއިރާ އިން ފަހެއް، އުތުރު ދާއިރާ އިން ދޭއް އަދި މެދު ދާއިރާ އިން ތިނެއް ވާދަ ކުރެ އެވެ.
މަރަދޫ ދާއިރާ އިން ފަހެއް ވާދަ ކުރާ އިރު، ފޭދޫ ދާއިރާ އިން ހަތަރެއް ވާދަ ކުރެ އެވެ. އަދި މީދޫ/މަރަދޫފޭދޫ ދާއިރާ އިން ފަހެއް ވާދަ ކުރާ އިރު، ހުޅުދޫން ހަތަރެއް ވާދަ ކުރެ އެވެ.
މީގެ ތެރެއިން އަމިއްލަ ގޮތުން ވާދަ ކުރައްވާ މަޝްހޫރު ބޭފުޅުންނަށް ބަލާ އިރު، ހުޅުދު އަށް ވާދަ ކުރައްވާ ޑރ. އިބްރާހީމްދީދީ (ޑރ. ޑީޑީ) އާއި ފޭދު އަށް ވާދަ ކުރައްވާ އަލްހާން ފަހުމީ އާއި ހަމަ ފޭދު އަށް ވާދަ ކުރައްވާ އިމާދު ސޯލިހާއި މީދޫ ދާއިރާ އަށް ވާދަ ކުރައްވާ އަލީ ނިޒާރު ފާހަގަކޮށްލެވެ އެވެ.
މަޖިލިސް އިންތިހާބު އޮންނާނީ އަންނަ މަހުގެ 22 ގަ އެވެ.