ރާއްޖޭގެ ފުރަތަމަ އެންތޮލޮޖީ ފިލްމް "ހަތަރު ހަޅަ" އަންނަ އެޕްރީލް މަހުގެ 4 ގައި ރިލީޒް ކުރާ ގޮތަށް ހަމަޖައްސައިފި އެވެ.
މި ފިލްމަކީ ރާއްޖޭގެ މަޝްހޫރު ހަތަރު ޑައިރެކްޓަރެއްގެ ހަތަރު ކުރު ފިލްމުތަކެއް އެކުލެވޭ ގޮތަށް ގެނެސްދޭ ފިލްމެކެވެ. "ހަތަރު ހަޅަ" އިގެ ޓީމުން ބުނާ ގޮތުގައި ފިލްމުގެ މަސައްކަތް އެއްކޮށްހެން މިހާރު ވަނީ ނިންމާލައިފަ އެވެ.
އަހުމަދު ފުއާދު (ފޯޑް) ޕްރޮޑިއުސް ކުރާ "ހަތަރު" ހަޅައިގައި ހިމެނެނީ ހަތަރު ނަމެއް ދީފައިވާ، ތަފާތު ހަތަރު ހާދިސާއެއް ދައްކުވައިދޭ ސަސްޕެންސް ސެގްމަންޓްތަކެކެވެ.
އޭގެ ތެރޭގައި ހިމެނެނީ މަރިޔަމް ޝަކީލާ މުހިއްމު ރޯލަކުން ފެންނަ، އަބްދުލް ފައްތާހުގެ "ދަރި/ފިރި" އާއު މޫމިނުން ފުއާދުގެ "ބައިވެރިޔާ" އެވެ. އެ ސެގްމަންޓުގައި އެންމެ މުހިއްމު ރޯލެއް އަދާ ކުރާ އެއްް ތަރިއަކީ ނިއުމާ މުހައްމަދެވެ.
"ހަތަރު ހަޅަ" އިގައި ދެން ހިމެނެނީ އަލީ ޝިފާއު (ޗިއްޕެ) ޑައިރެކްޓްކޮށްފައިވާ "ފޮށި" އެވެ. މި ސެގްމެންޓައި އިސްމާއީލް ރަޝީދު (ކޮޕީ އިއްސެ) އާއި ފާތުމަތު ފަރީލާ މުހިއްމު ރޯލްތަކުން ފެނިގެން ދާނެ އެވެ.
ދެން ހިމެނެނީ ރަވީ ފާރޫގުގެ ޑައިރެެކްޝަން ފެނިގެންދާ "ގާތިލް" އެވެ. މި ސެގްމަންޓުން ފެނިގެން ދާނީ ފާތުމަތު ރިޝްފާގެ އިތުރުން އަލަށް ތައާރަފްވާ މަޖުދާ އެވެ.
"ހަތަރު ހަޅަ" އިގެ ހަތަރު ސެގްމަންޓްގެ ތެރެއިން ތިން ސެގްމަންޓްގެ ސްކްރީންޕްލޭ ތައްޔާރުކޮށްފައި ވަނީ މަޝްހޫރު ސްކްރީން ރައިޓަރު މަހުދީ އަހުމަދެވެ.
މޫމިންގެ "ބައިވެރިޔާ' ސެގްމަންޓަކީ އޭނާގެ އަމިއްލަ ސްކްރީންޕްލޭއެކެވެ.
ބެލެވޭ ގޮތުގައި "ހަތަރު ހަޅަ" ވެގެން ދާނީ މި އަހަރު އަޅުވާ ދެވަނަ ފިލްމަށެވެ.
ފުރަތަމަ ފިލްމަކީ މަޝްހޫރު ޑައިރެކްޓަރު އަހުމަދު ނިމާލް، އޭނާގެ ފިރިހެން ދަރިފުޅު ޖުމައްޔިލް ނިމާލް ލޯންޗް ކުރާ "އަނިޔާ އެވެ. އެ ފިލްމު ޕްރީމިއާ ކުރާނީ އަންނަ މަހުގެ 28 ގަ އެވެ.