ހުނަރުވެރި ޒުވާން ދެ ތަރިން ކަމަށްވާ އާލިއާ ބަޓާއި އަރުޖުން ކަޕޫރު އެކުގައި ބޮޑު ސްކްރީނަށް އަންނަން ތައްޔާރުވެއްޖެ އެވެ.
އެ ދެ މީހުންގެ ފުރަަތަމަ ފިލްމަކީ އިންޑިއާގެ މަޝްހޫރު ލިއުންތެރިޔާ ޗެތަން ބަގަތުގެ "2 ސްޓޭޓްސް" އަށް ބިނާކޮށް ހަމަ އެ ނަމުގައި އުފައްދާފައިވާ ފިލްމެވެ.
"2 ސްޓޭޓްސް" އަކީ ކަރަން ޖޯހަރާއި ސާޖިދު ނަދިއަދްވާލާގެ އިތުރުން ޔޫޓީވީ މޯޝަން ޕިކްޗާސް ގުޅިގެން އުފައްދާފައިވާ ފިލްމެކެވެ.
މި ފިލްމް ޑައިރެކްޓްކޮށްފައި ވަނީ އަބިޝެކް ވަރްމަން އެވެ. ދާދި ފަހުން ފިލްމުގެ ފުރަތަމަ ޕޯސްޓަރު އާންމުކޮށްފައިވާ އިރު، "2 ސްޓޭޓްސް" ސިނަމާތަކަށް އަންނާނީ އެޕްރީލް މަހުގެ 18 ގަ އެވެ.
ގިނަ ބަޔަކު ކެތްތެރި ކަމެއް ނެތި މިހާރު ވެސް އިންތިޒާރު ކުރަމުން އަންނަ "2 ސްޓޭޓްސް" ގެ ޓްރެއިލާ ވެސް އަވަަހަށް ލޯންޗް ކުރާ ގޮތަށް ވަނީ ހަމަޖެހިފަ އެވެ.
މި ފިލްމަކީ ކަރަން ޖޯހަރުގެ "ސްޓޫޑަންޓް އޮފް ދި އިޔާ" އިން 2012 ވަނަ އަހަރު ބޮލީވުުޑަށް ނިކުތް، އާލިއާގެ ތިން ވަނަ ފިލްމެވެ.
އޭނާގެ ދެވަނަ ފިލްމް"ހައިވޭ" މިހާރު އަންނަނީ ސިނަމާތަކުގައި ދައްކަމުންނެވެ. އަދި އެ ފިލްމުގައި އޭނާ ދައްކުވައި ދީފައިވާ އެކްޓިން އަށް ގިނަ ބަޔަކު ވަނީ ތައުރީފްކޮށްފަ އެވެ.