ސ. ހިތަދޫ ކޮމިއުނިޓީ އޮގަނައިޒޭޝަން ސެންޓަރު (ކްލަބް ހައުސް) މަސްތުވާތަކެއްޗާ ދެކޮޅަށް އައްޑޫގައި ފުޅާ ދާއިރާއެއްގައި މަސައްކަތް ކުރާ ފްރީޑަމް ޖަމިއްޔާ އާ ދެ އަހަރު ދުވަހުގެ މުއްދަތަށް ހަވާލު ކުރުމުގެ އެއްބަސްވުމުގައި މިއަދު ސޮއިކޮށްފި އެވެ.
އައްޑޫ ސިޓީ ކައުންސިލްގެ އިދާރާގައި ބޭއްވި ރަސްމިއްޔާތެއްގައި ކައުންސިލްގެ ފަރާތުން ސޮއި ކުރެއްވީ މޭޔަރު އަބްދުﷲ ސޯދިގް (ސޯބެ) އެވެ. ފްރީޑަމް ގެ ފަރާތުން ސޮއި ކުރެއްވީ އެ ޖަމިއްޔާގެ ޗެއަޕާސަން މުހައްމަދު ނަައީމް (ނައީމްބެ) އެވެ.
ފްރީޑަމް އިން ބުނި ގޮތުގައި ކްލަބް ހައުސް ފްރީޑަމް އިން ބޭނުން ކުރާނީ ފްރީޑަމް އޮފީސް ހިންގުމަށާއި ޑްރޮޕިން ސެންޓަރު ހިންގުމަށެވެ.
ފްރީޑަމްއަކީ ނެޝަނަލް ޑްރަގް އެޖެންސީ (އެންޑީއޭ) އާ އެކު ވެސް މަސައްކަތްތައް ހިއްސާ ކުރުމުގެ އެމްއޯޔޫއެއްގައި ސޮއިކޮށްފައިވާ ޖަމިއްޔާއެކެވެ.