އެމްއެންޑީއެފް ސަދަން އޭރިއާގެ ކޮމާންޑަރު ކާނަލް ވައިސް ވަހީދު އައްޑޫގެ ސްކޫލުތަކަށް ޒިޔާރަތް ކުރައްވައިފި އެވެ.
މި މަހު 23 ވަނަ ދުވަހުން ފެށިގެން ވައިސް ސްކޫލުތަކަށް މި ކުރައްވާ ޒިޔާރަތަކީ ސަދަން އޭރިއާއި ން ކުރިއަށް ގެންދިއުމަށް ރާވާފައިވާ ޙަރަކާތްތަކާއި ބެހޭ ގޮތުން ސްކޫލުތަކާ މަޝްވަރާކޮށް މަޢުލޫމާތު ދިނުމަށް ކުރައްވާ ޒިޔާރަތެކެވެ.
މި ޒިޔާރަތުގައި މަޝްވަރާ ކުރައްވާ ކަންތައްތަކުގެ ތެރޭގައި ސަދަން އޭރިއާއިން ރާވައިގެން ހިންގާ ޙަރަކާތްތަކުގައި ސްކޫލު ތަކުގެ ކެޑޭޓު ދަރިވަރުން ބައިވެރި ކުރުމާއި ބެހޭ ގޮތުންނާއި ސްކޫލުތަކުގެ ޓީޗަރުންނާއި ދަރިވަރުންނަށް ފަޔަ އިމަޖެންސީ ޕްރޮގްރާމެއް ކުރިއަށް ގެންދިއުމާއި ބެހޭ ގޮތުންނާއި ސްކޫލްތަކުގެ ޓީޗަރުނަށް ފަސްޓް އެއިޑް ޕްރޮގްރާމް ހިންގުމާ ބެހޭ ގޮތުން ވަނީ މަޝްވަރާ ކޮށްފަ އެވެ.
އައްޑޫގެ ސްކޫލުތަކުގެ އިސް ވެރިންނާ އެކު ކުރިއަށް ގެންދިޔަ މި ބައްދަލު ކުރެއްވުންތަކުގައި ސްކޫލުތަކުން ބޭނުންވާ ކަންތައްތައްވަނީ ސަދަން އޭރިއާގެ ކޮމާންޑަރާއި ހިއްސާ ކުރައްވާފަ އެވެ.
ސަދަން އޭރިއާގެ ކޮމާންޑަރު ކާނަލް ވައިސް ވައިސް ވަޙީދު އައްޑޫގެ ސްކޫލްތަކަށް ކުރައްވާ މި ޒިޔާރަތުގައި އައްޑޫ ހައި ސުކޫލަށާއި، ޝަރަފުއްދީން ސްކޫލާށާއި، ހިތަދޫ ސްކޫލަށާއި، އިރުޝާދިއްޔާ ސްކޫލުގެ އިތުރުން ހުޅުމީދޫ އަތޮޅު މަދަރުސާ އަށް ވަނީ ޒިޔާރަތް ކުރައްވާފަ އެވެ.