އެންމެ މޮޅު ދަރިވަރުންގެ ތެރޭގައި އިމާން

މިދިޔަ އަހަރުގެ މަތީ ސާނަވީ އިމްތިހާނުން މުޅި ރާއްޖެއިން އެއް ވަނަ އަށް ހޮވުނު 11 ދަރިވަރުންގެ ތެރޭގައި ސ. ހިތަދޫ ދަރިވަރަކު ހިމެނިއްޖެ އެވެ.

އެ ދަރިވަރަކީ ސީއެޗްއެސްސީގައި ތައުލީމް ހާސިލް ކުރި ހިތަދޫ ކައްސުރިގޭ މަރިޔަމް އީމާން އިގްބާލެވެ.

މޮޅު ދަރިވަރުންނަށށް އިނާމް ދޭން ރޭ ބޭއްވި ރަސްމިއްޔާތުގައި މަރިޔަމް އީމާން އިގްބާލަށް މެޑަލާއި އިނާމް އަދި ރައީސުލްޖުމްހޫރިއްޔާ ދެއްވާ ސްކޯލަޝިޕްގެ ލިއުން ހަވާލްކޮށް ދެއްވީ ރައީސް އަބްދުﷲ ޔާމީނެވެ.

މިދިޔަ އަހަރުގެ މަތީ ސާނަވީ އިމްތިހާނުން 18 ސްކޫލަކުން 126 ދަރިވަރުން އޭލެވެލްގެ ގަދަ 10 ވަނާގައި ހިމެނިފައިވެ އެވެ. އެއީ 72 އަންހެން ދަރިވަރުންނާއި 54 ފިރިހެން ދަރިވަރުންނެވެ.
މީގެ ތެރޭގައި ހުރިހާ މާއްދާއަކުން އޭ ހޯދައިގެން 11 ދަރިވަރަކު އެއް ވަނަ ހޯދި އެވެ. މި ދަރިވަރުންގެ ތެރެއިން ތިން ދަރިވަރަކު ވަނީ ތިން މާއްދާ އިން އޭ ސްޓާ ހޯދައިފަ އެވެ.

އަދި މީގެއި ތުރަށް މި އިމްތިހާނުން ރާއްޖޭގެ 10 ދަރިވަރަކު މުޅި ދުނިޔެއިން އެންމެ ރަނގަޅު ނަތީޖާ ހޯދި ދަރިވަރުންގެ ތެރޭގައި ހިމެނިފައިވާއިރު ރާއްޖޭގެ ހަތް ދަރިވަރަކުވަނީ އެކައުންޓުން ދުނިޔޭގެ އެއް ވަނަ ހޯދައިފަ އެވެ.