ކުރިއަށް އޮތް ރައްޔިތުންގެ މަޖިލީހުގެ ފޭދޫ ދާއިރާ ގޮނޑި އަށް ޕީޕީއެމް ޓިކެޓްގައި ވާދަ ކުރައްވާ އިބްރާހީމްދީދީ (އައިބީ) ގެ ކެމްޕޭން ރަސްމީކޮށް މިރޭ ލޯންޗް ކުރަން ނިންމައިފި އެވެ.
މި ރަސްމިއްޔާތު އޮންނާނީ ފޭދޫ ޕީޕީއެމް ޖަގަހަ ކުރިމަތިން ފަސްގަނޑު ސަރަހައްދުގަ އެވެ. އެހެން ނަމަވެސް ރަސްމިއްޔާތު ބާއްވާ ގަޑި އާ ދިމާކޮށް ވިއްސާރަވެއްޖެ ނަމަ، ފޭދޫ ސްކޫލުގައި ބާއްވަން ވެސް ވަނީ ނިންމައިފަ އެވެ.
ކެމްޕޭން ލޯންޗް ކުރުން އޮންނާނީ މިރޭ 9:00 ޖަހާ އިރު އެވެ. އެހެންވެ މި ރަސްމިއްޔާތަށް ޕީޕީއެމުން މިހާރު އަންނަނީ ދައުވަތު ދެމުންނެވެ.
މަޖިލިސް އިންތިހާބުގައި ފޭދޫ ގޮނޑި އަށް އައިބީގެ އިތުރުން، އިތުރު ތިން ބޭފުޅަކު ވެސް ވާދަ ކުރައްވަ އެވެ.
އެއީ އަމިއްލަ ގޮތުން ވާދަ ކުރައްވާ އިމާދު ސޯލިހާއި އަލްހާން ފަހުމީގެ އިތުރުން އެމްޑީޕީގެ ފަރާތުން ވާދަ ކުރައްވާ މުހައްމަދު ނިހާދެވެ.