އައްޑޫ މީދޫގައި އާދަޔާ ޚިލާފަށް މެހި ގިނަވެ އާންމު ދިރިއުޅުމަށް ބޮޑެތި އުނދަގޫތަކާއި ކުރިމަތިވުމުން ރަށު އޮފީހުން ނިކުމެ ފޮގްކޮށްފި އެވެ.
މީދޫ އޮފީހާއި ވެމްކޯ ގުޅިގެން ނިކުމެ ރަށުތެރެ ފޮގްކޮށްފައިވަނީ މެހި ގިނަވެ، އެކަމުގެ ޝަކުވާ އާންމުން އަންނަނީ މީސްމީޑިއާގައި ކުރަން ފެށުމުންނެވެ.
މީދޫ އަވަށު އޮފީހުން އިތުރަށް ބުނެފައިވާ ގޮތުގައި ކުރިއަށް އޮތް ދުވަސްތަކުގައިވެސް ފޮގްކުރުން ކުރިއަށް ގެންދެވޭނެއެވެ.
މީދޫގައި މެހި ގިނަވުމުގެ ޝަކުވާ އާންމުން ކުރާތާ ދުވަސްކޮޅެއް ވަނީ ވެފައެވެ. އަދި މެހި މަދުކުރުމުގެ ގޮތުން އާންމުންވެސް އަންނަނީ އެކިއެކި އުކުޅުތައް ބޭނުންކުރަމުންނެވެ.