މި އަހަރުގެ އެންމެ އުންމީދީ އެއް ފިލްމުގެ ތެރޭގައި ހިމެނޭ ޒުވާން ދެ ތަރިން ކަމަށްވާ އަރުޖުން ކަޕޫރާއި އާލިއާ ބަޓް ލީޑް ރޯލް ކުޅެފައިވާ "2 ސްޓޭޓްސް" ގެ ޓްރެއިލާ ލޯންޗްކޮށްފި އެވެ.
އިންޑިއާގެ މަޝްހޫރު ލިއުންތެރިޔާ ޗެތަން ބަގަތުގެ "2 ސްޓޭޓްސް" އަށް ބިނާކޮށް ހަމަ އެ ނަމުގައި ހެދި ފިލްމުގައި ކިޔައި ދެނީ އިންޑިއާގެ ސައުތަށް ނިސްބަތްވާ އަންހެން ކުއްޖަކާއި ނޯތަށް ނިސްބަތްވާ ފިރިހެން ކުއްޖަކާ ދެމެދު ހިނގާ އަސަރު ގަދަ ލޯބީގެ ހާދިސާތަކެކެވެ.
ޗެތަންގެ ބައެއް ވާހަކަތަކަށް ބިނާކޮށް މީގެ ކުރިން ވެސް ކާމިޔާބް ފިލްމުތަކެއް ހަދާފައިވެ އެވެ.
އޭގެ ތެރެއިން އެންމެ ފާހަގަކޮށްލެވޭ ދެ ފިލްމަކީ އޭނާގެ "ފަައިވް ޕޮއިންޓް ސަމްވަން" އަށް ބިނާކޮށް ހެދި "3 އިޑިއަޓްސް" އާއި "3 މިސްޓޭކްސް އޮފް މައި ލައިފް" އަށް ބިނާކޮށް ހެދި "ކައި ޕޯ ޗޭ" އެވެ.
"2 ސްޓޭޓްސް" އިން އާލިއާ އާއި އަރުޖުންގެ އިތުރުން ސައިފް އަލީ ހާންގެ ކުރީގެ އަންހެނުން އަދި ބަތަލާ އަމްރިތާ ސިންގު އާއި ރޯނިތު ރޯއި (ބަޖާޖު) ވެސް މުހިއްމު ރޯލްތަކުން ފެނިގެން ދާނެ އެވެ. އެ ދެ ތަރިން ފެނިގެން ދާނީ އަރުޖުންގެ މަައިންބަފައިންގެ ރޯލުންނެވެ.
ކަރަން ޖޯހަރުގެ ދަރްމާ ޕްރޮޑަކްޝަނާއި ސާޖިދު ނަދިއަދްވާލާގެ ނަދިއަދްވާލާ ގްރޭންޑްސަންގެ އިތުރުން ޔޫޓީވީ މޯޝަން ޕިކްޗާސް ގުޅިގެން އުފައްދާފައިވާ "2 ސްޓޭޓްސް" ޑައިރެކްޓްކޮށްފައި ވަނީ އަބިޝެކް ވަރްމަން އެވެ.
މި ފިލްމް ސިނަމާތަކަށް އަންނާނީ އެޕްރީލް 18 ގަ އެވެ.