ހޮލީވުޑްގެ މަޝްހޫރު ޑައިރެކްޓަރު/ޕްރޮޑިއުސަރު ސްޓީވެން ސްޕީލްބާގްގެ ހިޓް ފްރެންޗައިޒް "ޖުރަސިކް ޕާކް" ގެ ހަތަރު ވަނަ ބައިގެ މުހިއްމު ރޯލަކަށް ބޮލީވުޑްގެ އެކްޓަރު އިރްފާން ހާން ސޮއިކޮށްފައިވާ ކަމަށް މީޑިއާ ރިޕޯޓްތައް ބުނެފި އެވެ.
ރިޕޯޓްތައް ބުނާ ގޮތުން "ޖުރަސިކް ޕާކް 4" ގައި އިރްފާން ފެނިގެން ދާނީ ފިލްމްުގެ ދެވަނަ ވިލަންގެ ގޮތުގަ އެވެ. ފިލްމުގެ މައި ވިލަންއަކީ ވިންސެންޓް ޑީ އޮނޮފްރިއޯ އެވެ.
މި ދެ މީހުންގެ އިތުރަށް އަންނަ އަހަރު ރިލީޒް ކުރަން ހަމަޖެހިފައިވާ "ޖުރަސިކް ޕާކް 4" ގެ މުހިއްމު ރޯލްތަކުން ކްރިސް ޕްރެޓް، ބްރައިސް ދަލަސް ހަވާޑް، ޓައި ސިމްޕްކިންސް އަދި ނިކް ރޮބިންސަން ފަދަ ހޮލީވުޑްގެ ނުފޫޒު ގަދަ ތަރިން ފެނިގެން ދާނެ އެވެ.
"ޖުރަސިކް ޕާކް 4" އިން އިރްފާނަށް ފުރުސަތު ލިބުނު އިރު، އޭނާއަކީ ހޮލީވުޑްގެ ފިލްމުތަކަށް އެއްގޮތަށް ވެސް ބީރައްޓެހި އެކްޓަރެއް ނޫނެވެ.
އޭނާ ވަނީ "އެމޭޒަން ސްޕައިޑަމޭން" އާއި އޮސްކާ ހާސިލްކޮށްފައިވާ "ލައިފް އޮފް ޕައި" އާއި "ސްލަންޑޯގް މިލިއަނާ" ގައި ވެސް މުހިއްމު ރޯލެއް އަދާކޮށް، ގިނަ ބައެއްގެ ސަމާލުކަން ހޯދައިފަ އެވެ.