މަޖީދިއްޔާ ސްކޫލަށް 95 އަހަރުވުމާ ގުޅިގެން ހިންގާ ހަރަކާތްތަކުގެ ތެރެއިން "މަޖީދިއްޔާ ފޯ ނޭޗާ" ގެ ނަމުގައި ގަސް އިންދުމުގެ ޕްރޮގްރާމެއް ފަށައިފި އެވެ.
އިއްޔެ ހަވީރު ހުޅުމާލޭގައި ޕްރޮގްރާމް ފައްޓަވައިދެއްވީ ނައިބު ރައީސް ފައިސަލް ނަސީމެވެ. މަޖީދިއްޔާ ސްކޫލާއި އެޗްޑީސީ ގުޅިގެން ފެށި ޕްރޮގްރާމްގައި ހުޅުމާލޭގެ ރުއްގަނޑު އޭރިއާ ދޭއްގައި 1،927 ގަސް އިންދާފައިވެ އެވެ. އެ އަދަދަށް ގަސް އިންދީ މަޖީދިއްޔާ ވުޖޫދަށް އައި އަހަރާ ގުޅުވައިގެންނެވެ.
Vice President @faisalnasym participates in the "Majeediyya for Nature" tree planting programme held in Ruhgandu-II area in Hulhumalé pic.twitter.com/0G9vAwCUnI
— The President's Office (@presidencymv) May 28, 2022
މަޖީދިއްޔާ ސްކޫލް އުފަންވީ އެޕްރީލް 19، 1927 ގަ އެވެ.
ގަސް އިންދަން އިއްޔެ ފެށި ޕްރޮގްރާމްގައި މަޖީދިއްޔާ ސްކޫލްގެ މިހާރުގެ ދަރިވަރުންނާ މުސްކުޅި ދަރިވަރުން ބައިވެރިވި އެވެ.