ހިތަދޫގައި ރޭ ޖިޕެއްގައި ސައިކަލެއް ޖެހިގެން ހިނގި އެކްސިޑެންޓްގައި އަނިޔާތަކެއް ލިބުނު އަންހެން މީހާ އަށް އިތުރު ފަރުވާ ދިނުމަށް ފަތިހު މާލެ ފޮނުވާލައިފި އެވެ.
ހިތަދޫ ރީޖަނަލް ހޮސްޕިޓަލުން ބުނީ އޭނާ މާލެ ފޮނުވާނީ ރޭ ފަތިހު 5:00 ގައި ފުރި ފްލައިޓުން ކަމަށެވެ. އޭނާ އަށް މިހާރު އަންނަނީ އައިޖީއެމްއެޗްގައި އަންނަނީ ފަރުވާ ދެމުންނެވެ.
މަސްތުވެގެން އިން އުމުރުން 40 އަހަރުގެ މީހަކު ބާރު ސްޕީޑެއްގައި ދުއްވާފައި އައި ޖިޕެއް ކާރެއްގައި ޖެހި، ކާރު ފަހަތަށް ކަހާލި ވަގުތު އެ މަގުން ދަތުރު ކުރި ސައިކަލެއްގައި ޖެހި ހިނގި އެކްސިޑެންޓްގައި އަނިޔާވި ހިތަދޫ ސަބްދެލިގޭ، ހައްވާ އަހުމަދު، 34، ގެ ކަނާތު ފައި ފަލަ މަސްގަނޑާ ހަމައިން ބިންދައިގެން ގޮސް ބޮލަށާއި މޫނަށް އެކި ވަރުގެ ޒަހަމަތައް ވެފައިވެ އެވެ.
ހައްވަ އެކްސިޑެންޓްވީ ހިތަދޫގެ ދެކުނުން އިތުރަށް ނުގަވައިދު ފަޅިން ބާރަށް ދުއްވި ޖީޕެއް މަގުގެ އަނެއް ކޮޅުން އައި ކާރެއްގައި ޖެހި 91 ފޫޓަށް ފަހަތަށް ކަހާލައިގެން ގޮސް ހައްވަ ދުއްވި ސައިކަލެއްގައި ޖެހިގެނެވެ.
މި ހާދިސާ ހިނގި އިރު ސައިކަލުގައި އިނީ ހައްވަ އެކަންޏެވެ.
މި އެކްސިޑެންޓާ ގުޅިގެން ޖިޕް ދުއްވަން އިން މީހާ ފުލުހުން ވަނީ ހައްޔަރުކޮށްފަ އެވެ. އަދި އެއްގަމު އުޅަނދު ދުއްވުމުގެ ލައިސަންސް ވެސް ނެތް މީހާ ހައްޔަރުކޮށް، އޭނާ ޓެސްޓް ކުރި އިރު، މަސްތުވާއެއްޗަށް ޕޮޒިޓިވްވެފައިވާ ކަމަށް ފުލުހުން ބުންޏެވެ.