އަންނަ އެޕްރީލް މަހުގެ 18 ވަނަ ދުވަހު ރިލީޒް ކުރަން ހަމަޖެހިފައިވާ "2 ސްޓޭޓްސް" ގެ ލަވައެއް އާންމުކޮށްފި އެވެ.
އަރުޖުން ކަޕޫރާއި އާލިއާ ބަޓްގެ "ހޮޓް" ކެމިސްޓްރީ ފެނިގެންދާ ލަވައަކީ "އޮއްފޯ" އެވެ.
މި ލަވަ ކިޔައިފައި ވަނީ އަދިތީ ސިންގް ޝަރްމާ އާއި އަމީތާބް ބަޗަރިއާ އެވެ.
"2 ސްޓޭޓްސް" ގެ މިއުޒިކް ތައްޔާރުކޮށް ދީފައި ވަނީ ޝަންކަރު/އިހުސާން/ލޯއި އެވެ.
މި އަހަރުގެ އެންމެ އުންމީދީ އެއް ފިލްމުގެ ތެރޭގައި ހިމެނެނީ "2 ސްޓޭޓްސް" އަކީ ކަރަން ޖޯހަރުގެ ދަރްމާ ޕްރޮޑަކްޝަނާއި ސާޖިދު ނަދިއަދްވާލާގެ ނަދިއަދްވާލާ ގްރޭންޑް ސަން އާއި ޔޫޓީބވީ މޯޝަން ޕިކްޗާޒް ގުޅިގެން އުފައްދާފައިވާ ފިލްމެކެވެ.
މިއީ އިންޑިއާގެ މަޝްހޫރު ލިއުންތެރިޔާ ޗެތަން ބަގަތުގެ "2 ސްޓޭޓްސް" އަށް ބިނާކޮށް ހަދާފައިވާ ފިލްމެކެވެ.