ހިތަދޫ ސްކޫލުން ފުޑް ފެސްޓެއް އިއްޔެ ބާއްވައިފި އެވެ.
އެ ސްކޫލްގެ ބިޒްނަސް ކްލަބުގެ ފަރާތުން އިސްނަގައިގެން ބޭއްވި މި ފެސްޓް ހުޅުއްވައި ދެއްވީ އައްޑޫ މޭޔަރު އަބްދުﷲ ސޯދިގް (ސޯބެ) އެވެ.
ރޭ 10:00 ޖެހުމާ ހަމައަަށް ކުރިއަށް ގެންދިޔަ މި ފުޑް ފެސްޓަށް ހިތަދޫ ސްކޫލުގެ ބެލެނިވެރިންނާއި ދަރިވަރުންގެ އިތުރުން ހިތަދޫ ޕޮލިސް ގެ ފަރާތުން ވަރަށް ބޮޑު އެހީތެރި ކަމެއް ލިބިފައިވެ އެވެ.
މީގެ އިތުރުން ދިރާގުގެ ފަރާތުން ވެސް މި ފެސްޓަށް އެހީތެރިކަން ވަނީ ފޯރުކޮށް ދީފައިވާ އިރު، ދިރާގުގެ ސްޓޯލެއް ވެސް ފުޑް ފެސްޓްގައި ވަނީ ހިމަނައިފަ އެވެ.
ފުޑް ފެސްޓްގައި ތަފާތު ކުޅިވަރު ހަރަކާތްތަކާއި ކާނާގެ ތަފާތު ވައްތަރުތައް ހިމެނޭ ސްޓޯލުތަކުގެ އިތުރުން ފޭސް ޕްރިންޓިން، ތްރީޑީ ސިނަމާ، ބިރުވެރި ހޮހަޅަ އާއި މަސް ފެންގަނޑާއި ކޭކު ޑެކަރޭޝަން ފަދަ ކަންތައްތައް ކުރިއަށް ގެންދިޔަ އެވެ.
އަދި އަލިފާނުގެ ހަރަކާތްތަކާއި ތަފާތު ސްޓޭޖް ހަރަކާތްތަކާއި ކޭންޑީ ލޭންޓަކާއި ޒުލެއް ވެސް މި ފުޑް ފެސްޓްގައި ވަނީ ދައްކާލައިފަ އެވެ.
މި ފުޑް ފެސްޓަށް ވަރަށް ބޮޑު ތަރުހީބެއް ލިބުނު ކަމަށް ހިތަދޫ ސްކޫލުން ބުންޏެވެ.