ސުޖިތު ސިރްކާގެ އާ ފިލްމް ""ޕިކޫ" އަށް އަމީތާބް ބައްޗަން އާއި ދީޕިކާ ޕަދްކޯންގެ އިތުރުން އިރްފާން ހާން ސޮއިކޮށްފި އެވެ.
މި ފިލްމަކީ "މެޑްރާސް ކެފޭ" އަށް ފަހު ސުޖިތު ޑައިރެކްޓް ކުރާ ފުރަތަަމަ ފިލްމެވެ.
މީޑިއާ ރިޕޯޓްތައް ބުނާ ގޮތުގައި "ޕިކޫ" ގައި ދައްކުވައި ދޭނީ ބައްޕައަކާ އަންހެން ދަރިފުޅަކާ ދެމެދު އޮންނަ ހާއްސަ ވަރުގަދަ ގުޅުމެވެ.
އެގޮތުން މި ފިލްމުގައި ދީޕިކާގެ ބައްޕަގެ ރޯލުން ފެނިގެން ދާނީ އަމީތާބެވެ. މިއީ މި ދެ ތަރިން އެކުގައި މަސައްކަތް ކުރާ ދެވަނަ ފިިލްމެވެ. ފުރަތަމަ ފިލްމަކީ 2012 ވަނަ އަހަރު ނިކުތް ޕްރަކާޝް ޖާގެ "އާރަކްޝަން" އެވެ.
ސުޖިތުއަކީ "ވިކީ ޑޯނާ" ފަދަ ކާމިޔާބް ފިލްމުތަކެއް ބެލުންތެރިންނާ ހަމައަށް ގެނެސް ދީފައިވާ ޑައިރެކްޓަރެކެވެ.
"ޕިކޫ" ގެ މަސައްކަތް ފަށަން ހަމަޖެހިފައި ވަނީ އަންނަ ޖުލައި މަހުގެ ތެރޭގަ އެވެ.