2014 ވަނަ އަހަރު ޑަބަލް ސްޕީޑް ޔޫއެސްބީ 3.0 ޕޯޓްތައް ޕީސީތަކަށް ތައާރަފް ކުރެވޭނެ ކަމަށް ޔޫއެސްބީ 3.0 ޕްރޮމޯޓާ ގުރޫޕަކުން ބުނެފި އެވެ.
މި ޕޯޓް ތަކުން މިހާރުގެ ޔޫއެސްބީ 3.0 އަށް ވުރެ ދެ ގުނަ ޑާޓާ ޓްރާންސްފާ އަވަސް ވާނެ އެވެ.
މިހާރު ބޭނުން ކުރާ ޔޫއެސްބީ 3.0 ޕޯޓްތަކުން 5 ޖީބީޕީއެސްގެ ޓްރާންސްފާ ރޭޓް ލިބޭ އިރު ޑަބަލް ސްޕީޑް ޔޫއެސްބީ 3.0 އިން 10 ޖީބީޕީއެސްގެ ޓްރާންސްފާ ރޭޓް ލިބޭނެ އެވެ. ބޮޑެތި ފައިލް ތައް ކޮޕީ ކުރާ އިރު މީގެ ސަބަބުން ވަގުތު ވަރަށް ބޮޑަށް ސަލާމަތް ވެގެން ދާނެ އެވެ.
ކޮންމެއަކަސް ޑަބަލް ސްޕީޑް ޔޫއެސްބީ 3.0 މިހާރު މެކް ޕީސީތަކުން ފެންނަ ތަންޑަ ބޯލްޓް ޕޯޓް ތަކާއި ވާދަ ކުރާނެ ކަމަށް ބެލެވެ އެވެ. ތަންޑަ ބޯލްޓް ޕޯޓަކީ ވެސް 10 ޖީބީޕީއެސްގެ ޓްރާންސްފާ ރޭޓް ލިބޭ ޕޯޓެކެވެ. ނަމަވެސް މި ޕޯޓް ހަމަ އެކަނި އެޕަލް ޕީސީތަކުން ލިބެން ހުރުމާއި ކޭބަލްތައް އަގުބޮޑުވުމުގެ ސަބަބުން އާންމުންގެ ތެރޭ ތަންޑަ ބޯލްޓް އެހާ މަގުބޫލެއް ނޫނެވެ.